З 8 па 12 лістапада ў сярэдняй школе №1 г.Валожына праходзіць Тыдзень прафілактыкі правапарушэнняў і шкодных залежнасцяў «Школа без правапарушэнняў».
З навучэнцамі 9-х класаў прафілактычную гутарку па прафілактыцы незаконнага абароту наркотыкаў правяла начальнік раённага аддзела Следчага камітэта Марына Рагінская.
З мэтай прафілактыкі дарожна-транспартнага траўматызму прайшлі гасцявыя ўрокі і прафілактычная лінейка з інспектарам АДАІ Валожынскага РАУС Вадзімам Пасека.
Акцыю «Стань прыкметней у цемры» з навучэнцамі школы правялі члены школьнага клуба юных інспектараў дарожнага руху «Стоп» і навучэнцы аб'яднання па інтарэсах «Новае пакаленне», падчас якой на хвілінках бяспекі і прафілактычных пераменах яны нагадалі яшчэ раз, чаму флікер — важны элемент адзення, раздалі памяткі і флаеры, у гульнявой форме разам паўтарылі галоўныя правілы пешахода.
Адбылася прафілактычная сустрэча навучэнцаў 10-11 класаў з урачом-нарколагам Валожынскай раённай цэнтральнай бальніцы Дыянай Падгайскай.
