1 снежня 2022 года ў Валожынскім краязнаўчым музеі адкрылася выстава «Рамантык з Багданава», якая прысвечана жыццёваму і творчаму шляху вялікага мастака пейзажнага жывапісу. Першымі наведвальнікамі выставы сталі першакласнікі сярэдняй школы №1 г. Валожына. Нягледзячы на свой юны ўзрост, хлопцы з цікавасцю пазнаёміліся з Ф.Рушчыцам, як чалавекам, а потым, разглядаючы рэпрадукцыі карцін мастака, пастараліся раскрыць сакрэт яго геніяльнай творчасці.


