Ахвярай хатняга гвалту можа стаць кожны: жанчыны і мужчыны, дзеці і пажылыя людзі. Хто менавіта знаходзіцца ў зоне рызыкі, вызначыць не так проста. Часцей падобнае здараецца на фоне п'янства, але ў той жа час трагедыі адбываюцца і ў прыстойных на першы погляд сем'ях. Як вызначыць, што чалавек, а асабліва дзіця, знаходзіцца ў небяспечным становішчы і падвяргаецца розным відам гвалту, як яму дапамагчы і якія механізмы ўзаемадзеяння павінны быць адпрацаваны — менавіта пра гэта ішла гаворка на навучальным семінары для педагогаў, які правяла педагог-псіхолаг Кучук Алена Вячаславаўна. Мэтай дадзенага мерапрыемства стала павышэнне прафесійнай кампетэнцыі педагогаў установы адукацыі.
Алена Вячаславаўна падрабязна распавяла аб відах гвалту, прыкметах, аб спосабах аказання дапамогі і алгарытмах дзеянні ў выпадку выяўлення прыкмет гвалту. У заключэннi семінара сярод педагогаў была праведзена экспрэс-дыягностыка «Што такое гвалт у дачыненні да дзяцей?» і прагледжаны відэаролік.
Крыніца: gorodki.volozhin-edu.gov.by
