1 снежня 2022 года для навучэнцаў 8, 9 класаў педагог-арганізатар правяла мерапрыемства "Мы выбіраем жыццё!", прысвечанае барацьбе са СНІДам.
Вучні пазнаёміліся з сімвалам барацьбы са СНІДам - чырвонай стужачкай. Гэты дзень - спроба нагадаць усім людзям, якія жывуць на Зямлі, што ВІЧ-інфікаваныя - такія ж, як і ўсе мы людзі, і на іх месцы мог апынуцца кожны з нас, бо хвароба не абірае толькі тых, хто хоча ёю захварэць. Бо часта мы становімся талерантнымі толькі тады, калі праблема закране нас саміх ці нашых родных, блізкіх. Часта, не хапае розуму прыняць праблемы чужога чалавека, каб працягнуць яму руку дапамогі. Дзеці зрабілі выснову, што часцей за ўсё захворваюць на СНІД людзі, якія вядуць неразборлівы палавы лад жыцця, а таксама тыя, хто прымае наркотыкі. У канцы мерапрыемства навучэнцы паглядзелі відэаролік «Віч/Снід». Галоўная задача прагляду роліка заключалася ў выхаванні ў навучэнцаў беражлівых адносін да свайго здароўя, талерантнае стаўленне да хворых на СНІД і фарміраванне асноў здаровага ладу жыцця.
Крыніца: pershai.volozhin-edu.gov.by
