5 студзеня 2023 года ў нашым каледжы прайшоў «Дзень адчыненых дзвярэй», у якім прынялі ўдзел школьнікі горада і Валожынскага раёна. Навучэнцы школ пазнаёміліся са спецыяльнасцямі, па якіх вядзецца навучанне, наведалі навучальныя кабінеты, майстэрні, інтэрнат, музей.
Госці атрымалі магчымасць не толькі акунуцца ў атмасферу нашай навучальнай установы, але і задаць пытанні адміністрацыі і выкладчыцкаму складу, даведацца пра ўмовы прыёму і навучання.
Перад школьнікамі выступіла намеснік дырэктара па вучэбна-выхаваўчай рабоце Ірына Сцяпанаўна Жытарук, пажадаўшы выпускнікам зрабіць правільны выбар у свеце прафесій.
