У рамках акцыі з падарункамі і цёплымі віншаваннямі навучэнцы Горкаўскай сярэдняй школы прыйшлі да ветэрана педагагічнай працы Марзак Алене Міхайлаўне.
Яна радасна сустрэла гасцей і запрасіла іх у дом. Хлопцы ўручылі падарункі і распавялі любімыя вершы педагога. Алена Міхайлаўна ўспамінала аб сваёй педагагічнай дзейнасці. Яе стаж працы настаўнікам пачатковых класаў склаў 49 гадоў.
У гэты дзень навучэнцы школы наведалі ветэрана працы, заслужаную працаўніцу сельскай гаспадаркі Смолiк Вольгу Васільеўну. З прыемнай усмешкай і добрым настроем пачала размову з дзецьмі Вольга Васільеўна. Яна падзялілася ўспамінамі аб сваёй працы паляводам у калгасе, дзе адпрацавала 39 гадоў і не прапусціла ні аднаго дня. Расказала аб дзяцінстве, аб жыцці ў пасляваенныя гады. Хлопцы з асаблівай увагай і хваляваннем слухалі гісторыю жыцця Вольгі Васільеўны.
Не першы раз піянеры з Суднікаўскай сярэдняй школы наведваюць пажылых і адзінока пражываючых людзей, ветэранаў працы. Вось і сёння ў рамках рэспубліканскай дабрачыннай акцыі «Ад усёй душы» павіншавалі з Новым годам і Калядамі ветэрана педагагічнай працы Саўкіну Марыю Іосіфаўну.
