З 3 па 15 студзеня 2023 года праводзіцца дабрачынная акцыя для пажылых людзей «Ад усёй душы».
Валанцёры ДУА «Суднікаўская сярэдняя школа Валожынскага раёна» прымаюць удзел у дабрачыннай акцыі для пажылых людзей «Ад усёй душы». 04.01.2023 яны наведалі інваліда вайны Лабецкую Галіну Фёдараўну, павіншавалі яе з Новым годам і Калядамі, пажадалі ёй здароўя, дабрабыту, не ведаць горкіх хвілін і праводзіць час у прыемных клопатах і ў асяроддзі любімых людзей.
Яснае сонечнае надвор'е 6 студзеня спрыяла валанцёрам ДУА «Суднікаўская сярэдняя школа Валожынскага раёна». У рамках акцыі «Ад усёй душы» яны наведалі і павіншавалі з Новым годам і Калядамі ветэрана працы Янушкевіч Святлану Эдуардаўну. У цёплай гутарцы хлопцы даведаліся, што працоўны стаж у Святланы Эдуардаўны больш за сорак гадоў. Працаваць яна пачала піянерважатай, потым выкладала рускую мову і літаратуру. Больш трыццаці гадоў працавала намеснікам дырэктара па асноўнай дзейнасці ДУА «Суднікаўская сярэдняя школа Валожынскага раёна». Святлана Эдуардаўна ў сваю чаргу пажадала дзецям поспехаў у вучобе, дабрыні ў сэрцы, мірных сонечных дзён.
Не першы раз піянеры ДУА «Суднікаўская сярэдняя школа Валожынскага раёна» наведваюць пажылых і адзінока пражываючых людзей, ветэранаў працы. Вось і 10.01.2023 г. у рамках рэспубліканскай дабрачыннай акцыі «Ад усёй душы» павіншавалі з Новым годам і Калядамі адзінока пражываючую, ветэрана педагагічнай працы Саўкіну Марыю Іосіфаўну.
