15 студзеня 2023 года спаўняецца 85 гадоў з дня ўтварэння Мінскай вобласці.
Наша школа не засталася ў баку ад святкавання юбілейнай даты.
У 1-11 класах праведзены інфармацыйныя гадзіны «Месца, дзе ты жывеш», «Вобласць, у якой я жыву», «З любоўю да вытокаў». У 10 класе адбылася дыялогавая пляцоўка «Мінскай вобласці - 85 гадоў». Вучні 1-4 класаў падрыхтавалі выставы малюнкаў «Прыгажосць роднага краю»
Мы, навучэнцы і педагогі ДУА «Сярэдняя школа №2 г. Валожына», шчаслівыя, што жывем і працуем на гэтай зямлі. Мы ганарымся сваімі землякамі, працавітымі, жыццярадаснымі і мэтанакіраванымі. Хай наша вобласць квітнее і развіваецца, зменьваецца і становіцца лепш з кожным днём! Хай намаганні кожнага жыхара заўсёды увенчваюцца вынікамі, хай кожнаму ўсміхаецца ўдача, ажыццяўляюцца планы і мары!
11 студзеня, напярэдадні святкавання юбілейнай даты Дня ўтварэння Мінскай вобласці, у школе навучэнцам 8-х класаў ва ўрачыстай абстаноўцы былі ўручаны кнігі «Я — грамадзянін Рэспублікі Беларусь».
Юныя грамадзяне, якія атрымалі падарунак, прызналі, што кніга «Я — грамадзянін Рэспублікі Беларусь» не толькі эстэтычна аформлены падарунак, але і выдатны ўніверсальны падручнік у дапамогу школьнай праграме па гісторыі, грамадазнаўстве і літаратуры на астатнія гады вучобы.
