У першы дзень 2023 года Кіраўнік дзяржавы Аляксандр Рыгоравіч Лукашэнка падпісаў Указ № 1 «Аб аб'яўленні 2023 года Годам міру і стварэння».
Адзiн з галоўных напрамкаў – гэта захаванне духоўных каштоўнасцяў і беларускіх традыцый. Першачарговая задача ў выхаванні маладога пакалення - павага да старэйшага пакалення, клопат аб блізкім, абарона гістарычнай памяці, умацаванне ў грамадстве ідэй міру і дабра.
Марафон добрых спраў ад дзяцей і моладзі ніколі не сканчаецца, а толькі набірае свае абароты. Навучэнцы нашай установы актыўна ўключыліся ў акцыю «Ад усёй душы!».
10.01.2023 актывісты ГА «БРСМ» і ГА «БРПА» наведалі ветэрана Вялікай Айчыннай вайны Ярмака Аляксандра Аляксандравіча, ветэранаў педагагічнай працы Янушкевіч Алену Іванаўну, Пліскоўскіх Вітольда Іванавіча і Тэрэзу Антонаўну і ўручылі ім салодкія падарункі. Шчырыя словы віншаванняў з Новым годам і Калядамі дапамаглі стварыць святочную атмасферу для тых, хто ў гэтыя дні асабліва мае патрэбу ў падтрымцы і ўвазе. А ўсмешкі на іх тварах – галоўная падзяка.
