Навучэнцы Пяршайскай сярэдняй школы Валожынскага раёна прынялі ўдзел у акцыі «Ад усёй душы». Члены піянерскай дружыны імя Я. Трацэўскай наведалі ветэрана педагагічнай працы Пратасевіч-Русовіч Марыю Іосіфаўну, павіншавалі яе з навагоднімі святамі, уручылі падарункі.
Навучэнцы 5 класа разам з класным кіраўніком наведалі Пяршайскую бальніцу сястрынскага догляду, дзе пражываюць адзінокія пажылыя людзі з абмежаванымі магчымасцямі. Хлопцы павіншавалі ўсіх са святам, пажадалі моцнага здароўя, падарылі трохі ўвагі і любові, уручылі паштоўкі, зробленыя сваімі рукамі, і пачаставалі смачным пірагом, прыгатаваным ад душы.
