Кожны год уся планета 1 красавіка адзначае Міжнародны дзень птушак. Аснову гэтай падзеі паклала падпісанне Міжнароднай канвенцыі аб ахове птушак у 1906 годзе. Па традыцыі ў гэты час у чаканні птушак развешваюцца шпакоўні.
У нашай школе з 01.04.2023 па 07.04.2023 года прайшла акцыя «Домік для шпака», удзельнікамі якой сталі навучэнцы нашай установы і іх бацькі.
Бацькам і дзецям было прапанавана прыняць удзел у «птушыных клопатах» і дапамагчы шпакам пабудаваць для іх утульныя домікі – шпакоўні. З якой радасцю і гонарам дзеці прыносілі домікі для птушак, зробленыя сумесна з бацькамі. Усе шпакоўні размешчаны на тэрыторыі парку Вішнеўскага СДК. Вельмі хочацца верыць, што шпакоўні спадабаюцца птушкам, яны хутка заселяцца ў свае новыя «кватэры» і будуць радаваць сваім дзівосным спевам нас не адзін дзень
