Добрай традыцыяй у нашым рэгіёне стала віншаваць напярэдадні Дня Перамогі ветэранаў і ўдзельнікаў Вялікай Айчыннай вайны, былых вязняў фашысцкіх канцлагераў.
Кветкі, віншавальныя паштоўкі, падарункі і цёплыя словы падзякі адрасавалі Тэрэсе Францаўне Капуста з гарадскога пасёлка Івянец старшыня Івянецкага пасвыканкама Тэрэса Ліпніцкая і старшыня ветэранскай арганізацыі Аляксандра Недвецкая.
Тэрэса Францаўна, чыё дзяцінства і юнацтва прыйшліся на ваеннае ліхалецце, шчыра дзякавала за ўвагу і клопат. Людзі, якія перажылі жахі акупацыі, перакананы: пра вайну забываць нельга — толькі тыя страшныя ўрокі навучаць шанаваць мір і берагчы спакой у роднай краіне.
Дадамо, што да свята Перамогі віншаванні, падарункі і прыемныя сюрпрызы прыгатаваны для ўсіх ветэранаў і ўдзельнікаў Вялікай Айчыннай вайны з нашага раёна.
Крыніца: valozhin.by
