У другую нядзелю мая ў нашай краіне адзначаецца Дзень Дзяржаўнага герба, Дзяржаўнага сцяга і Дзяржаўнага гімна Рэспублікі Беларусь. Напярэдадні свята аматары здаровага ладу жыцця - кіраўніцтва райвыканкама, прадстаўнікі арганізацый і прадпрыемстваў раёна, грамадскіх аб'яднанняў, моладзь і школьнікі, удзельнічаюць у патрыятычным велапрабегу.
Старт велапрабегу дадзены каля будынка Валожынскага сельскага выканаўчага камітэта. У суправаджэнні супрацоўнікаў ДАІ велапрабег, упрыгожаны ў колеры дзяржаўнай сімволікі, адправіўся па вуліцах Валожына. Удзельнікі велапрабегу пройдуць па маршруце размяшчэння арганізацый занесеных на раённую Дошку гонару. Кіраўнікам арганізацый старшыня райвыканкама Яўген Круковіч уручыць Дзяржаўны сцяг Рэспублікі Беларусь.
