Валожынскі раённы
выканаўчы камітэт

Раённы этап конкурсу «Уладар сяла» прайшоў у аграгарадку Бабровічы.

Арганізатарамі сямейнага сельскагаспадарчага праекта традыцыйна выступілі раённы камітэт ГА «БРСМ», аддзел ідэалагічнай работы, культуры і па справах моладзі, упраўленне сельскай гаспадаркі і харчавання райвыканкама.

 сям'я Ланзар

 сям'я Іванчык

Сёлета ўдзельнікамі раённага этапу конкурсу сталі чатыры сям'і. Сям'я Шумскіх з Валожынскай райаграпрамтэхнікі, сям'я Ландзар са СХУ «Бабровічы», сям'я Гупаловіч з ААТ «Суднікаўскі», сям'я Іванчык з ААТ «Агра-Дубінскае».

Удзельнікі распавядалі пра сябе ў конкурсе візітовак; спаборнічалі ў спрыце і хуткасці на эстафетах, прадстаўлялі кулінарныя вынаходствы і творчыя нумары.

Кожная сям'я выступіла годна, але ў праекце заўсёды ёсць пераможцы.

 сям'я Гупаловіч

Па выніках праекта сям'я Шумскіх набрала самую вялікую колькасць балаў і стала уладаром сяла. У падарунак ад арганізатараў конкурсу яна атрымала мультыварку.

Усе ўдзельнікі атрымалі дыпломы і падарункі. Канцэртную праграму для праекта падрыхтавалі салісты раённага цэнтра культуры і народны ансамбль народнай песні «Сваякі».

valozhin.by