У рамках рэспубліканскай акцыі «Канікулы без дыму і агню!» работнікі Валожынскага аддзела па надзвычайных сітуацыях сустрэліся з хлопцамі з аздараўленчых лагераў на тэрыторыі раёна.
У ходзе правядзення сустрэчы дзецям нагадалі нумары, па якіх можна выклікаць ратавальнікаў «101» і «112», а таксама зімітавалі званок ратавальнікам, сабралі пазлы «Чароўная кніга», распавялі, як не дапусціць узнікнення пажару і дзеянні пры надзвычайных сітуацыях у гульні «Крокі выратавання».
Таксама не забыліся аб верных сябрах і таварышах аўтаномным пажарным апавяшчальніку і вогнетушыцелі, распавялі і паказалі прынцып дзеяння дадзеных прыбораў і для чаго яны патрэбныя.
Хлопчыкі і дзяўчынкі з радасцю пераўвасобіліся ў ратавальнікаў прымерыўшы баявое адзенне ратавальніка.
У завяршэнні мерапрыемства хлопцам уручылі памяткі МНС, якія будуць нагадваць аб прыездзе ратавальнікаў і нагадаюць аб правілах бяспекі каб не дапусціць надзвычайнай сітуацыі.
Паважаныя бацькі, у мэтах бяспекі вашых дзяцей МНС нагадвае:
- навучыце дзіця дзеянням пры пажары;
- хавайце ад дзіцяці запалкі, запальніцы, бытавую хімію і інш.;
- сачыце за тым, як дзеці бавяць вольны час, чым цікавяцца, адцягвайце іх ад бескарыснага баўлення часу;
- раскажыце пра небяспеку гульняў на вадзе;
- не адпускайце дзіця купацца аднаго, заўсёды кантралюйце сітуацыю.
Беражыце сябе і сваіх блізкіх.
Па інфармацыі
