Палітыка фашысцкага генацыду на акупаванай тэрыторыі Беларусі ў гады Вялікай Айчыннай вайны - гэта карныя аперацыі і тысячы спаленых вёсак, лагеры смерці, гета і іншыя месцы прымусовага ўтрымання, паказальныя пакаранні смерцю і застрашваючыя шыбеніцы ў гарадах. Усё гэта прыйшло ў Беларусь 22 чэрвеня 1941 года...
Памяць аб страшнай вайне і Вялікай Перамозе не можа згаснуць: яна навечна ўпісана ў гісторыю Айчыны і кожнай беларускай сям'і. Перажытая трагедыя і дасягнутая Перамога вечная крыніца болю і горычы, гонару і славы беларускага народа. Мы павінны памятаць і шанаваць нашу гісторыю, захоўваць гістарычную памяць, перадаваць яе з пакалення ў пакаленне, бо без ведання свайго мінулага не магчыма пабудаваць квітнеючую будучыню.
