Штогод супрацоўнікі Валожынскага краязнаўчага музея рыхтуюць цікавыя мерапрыемствы да 1 верасня. Сёлета ўстанову наведалі навучэнцы 4-ых класаў сярэдняй школы № 1 г.Валожына. Яны прынялі ўдзел у гульні-квэсце «Вось яна якая, краіна родная!».
Хлопцы наведалі тры станцыі: «Наша Радзіма – Беларусь», «Міншчына – сэрца Беларусі», «Валожыншчына – краіны роднай часціца».Мерапрыемства прайшло цікава і займальна. Дзеці актыўна разгадвалі тэматычныя загадкі, віктарыны, рэбусы, крыжаванкі і інш. За ўдзел у гульні ўсе навучэнцы атрымалі на памяць сувеніры.
