Празвінеў першавераснёўскі званок, склікаўшы рабят зноў сесці за парты. Цэнтр творчасці дзяцей і моладзі таксама гасцінна адчыніў свае дзверы для дзяцей, запрашаючы на заняткі ў аб'яднанні па інтарэсах, клубы, спартыўныя секцыі. Можна будзе навучыцца танцаваць, вырабляць сувеніры, майстраваць з паперы і кардона, граць, займацца тэатральнымі пастаноўкамі.
Першая субота новага навучальнага года прайшла пад дэвізам «Разам да поспеху і творчасці». Свята сабрала навучэнцаў са школ горада, каб у цікавай і займальнай форме прарэкламаваць тыя аб'яднанні па інтарэсах, якія адкрыты ў Цэнтры творчасці.
У праграме мерапрыемства была арганізавана «Вясёлая гульнятэка», флэшмоб «Танцуй разам з намі», квэст-гульня «Цэнтр рыхтуе сюрпрыз». Удзельнікі свята паўдзельнічалі ў рабоце майстар-класаў па валенні з воўны, вырабілі закладку для кнігі з кардона і сухацветаў, нанеслі ўпадабаны малюнак аквагрыму, пагулялі, атрымалі кансультацыю па цікавячых пытаннях і інш.
Натхнёныя, вясёлыя, актыўныя, хлопцы пакідалі Цэнтр творчасці. Кожны выбраў сабе занятак па душы, каб у далейшым працягнуць заняткі ў аб'яднанні па інтарэсах.
Поспехаў усім, творчых знаходак і пазітыву ва ўсім!
