У 2023/2024 навучальным годзе духоўна-маральнае выхаванне навучэнцаў застаецца адным з важных напрамкаў выхавання. І пачынаецца яно непасрэдна з першага ўрока 1 верасня, які прайшоў пад назвай "Беларусь і Я – дыялог міру і стварэння". Навучэнцы Івянецкай сярэдняй школы правялі гэты ўрок у Івянецкім музеі традыцыйнай культуры. Са старшакласнікамі адбыўся канструктыўны дыялог на зададзеную тэму. Для школьнікаў малодшых класаў была паказана відэапрэзентацыя аб дасягненнях Рэспублікі Беларусь, аб важных датах у гісторыі Беларусі.
Рэфрэнам урока прайшлі словы Прэзідэнта Рэспублікі Беларусь: "Мы павінны ясна разумець: незалежнасць краіны – клопат кожнага з нас. Калі мы хочам жыць на сваёй зямлі, сваім розумам і працай, па сваіх законах і традыцыях, калі мы хочам быць адзінымі гаспадарамі на зямлі Беларусі, жыць у міры, спакоі і дабрабыце, то ўсе і кожны павінны зразумець: клопаты краіны, зберажэнне яе незалежнасці – гэта наша агульная справа».
