6 верасня 2023 года навучэнцы дзяржаўнай установы адукацыі "Гімназія г.Нароўлі" і Васілевіцкай СШ Рагачоўскага раёна наведалі Валожынскі краязнаўчы музей. Падчас экскурсіі па раздзеле экспазіцыі "Прырода і экалогія Налібоцкай пушчы" дзеці прыадчынілі для сябе таямнічую заслону рэспубліканскага ландшафтнага заказніка "Налібоцкі", пазнаёміліся з флорай і фаунай гэтага дзіўнага прыроднага краю. Інфармацыя была дапоўнена яркімі слайдамі з выявай прыроды заказніка і яго рэдкіх насельнікаў. Таксама пазнавальнай і займальнай стала экскурсія па гістарычным цэнтры г.Валожына.


