У рамках правядзення рэспубліканскай акцыі «Моладзь за бяспеку» работнікі Валожынскага раённага аддзела па НС сумесна з БРСМ і актывістамі Беларускай маладзёжнай грамадскай арганізацыі ратавальнікаў пажарных наведалі грамадзян сацыяльна ўразлівай катэгорыі.
Маладыя людзі аказалі ім дапамогу ў зборы вінаграду, пераклалі дровы, сабралі яблыкі і зрэзалі сухія дрэвы, а таксама ўсталявалі аўтаномны пажарны апавяшчальнік.
Таксама ратавальнікі нагадалі аб захаванні правіл пажарнай бяспекі і ўручылі наглядна-выяўленчую прадукцыю МНС.
Валожынскі раённы аддзел па надзвычайных сітуацыях нагадвае:
- Патэлефануйце сваім пажылым бацькам, даведайцеся, як у іх справы.
- Дапамажыце па гаспадарцы, а галоўнае — пераканайцеся ў іх бяспецы.
- Абсталюйце жылы пакой аўтаномным пажарным апавяшчальнікам. Пераканайцеся ў спраўнасці пячнога ацяплення (загадзя прачысціце комін ад сажы, паглядзіце, ці няма расколін у сценках печы, ці прыбіты металічны прадтопачны ліст, залезьце на гарышча і пераканайцеся ў спраўнасці коміна).
- Паглядзіце на стан электраабсталявання (старую праводку, пастаўце аўтаматычныя апараты абароны на электрычны лічыльнік).
Нагадаеце бацькам тэлефонныя нумары экстраных служб 101 альбо 112.
Беражыце сябе і сваіх блізкіх!
