31 кастрычніка выхаванцы аздараўленчага лагера “Дружба” прынялі актыўны ўдзел у гульнявой праграме “Ёсць у восені ўбор залаты”, выконвалі розныя заданні: разгадвалі загадкі, удзельнічалі ў дынамічных конкурсах “Вакол мяне вада” і “Збяром ураджай” і многае іншае. На хвілінцы бяспекі яны пашырылі свае веды пра шкодныя звычкі людзей. Адбыўся конкурс малюнкаў “Залатая восень”, пад час якога выхаванцы пастараліся перадаць усю прыгажосць восеньскай прыроды. Таксама дзеці сабралі вельмі прыгожы букет з рознакаляровых восеньскіх лісточкаў для сваіх матуль.
