З 8 па 11 лістапада 2023 года Дэпартамент па энергаэфектыўнасці праводзіць рэспубліканскую інфармацыйна-адукацыйную акцыю «Беларусь - энергаэфектыўная краіна» пад дэвізам «Уключай энергаэфектыўнасць!», прымеркаваную да міжнароднага Дня энергазберажэння.
Мэта правядзення мерапрыемства - павышэнне дасведчанасці насельніцтва аб важнасці эфектыўнага выкарыстання энергарэсурсаў, магчымых спосабах і метадах іх эканоміі, у тым ліку ў паўсядзённым жыцці, што з'яўляецца значнай мерай у паляпшэнні дабрабыту грамадзян і эканамічнага росту краіны ў цэлым.
Так, у рамках акцыі «Беларусь – энергаэфектыўная краіна» ва ўстановах адукацыі Валожынскага раёна з мэтай інфармавання навучэнцаў праходзяць інфармацыйныя і класныя гадзіны, віктарыны і конкурсы, выставы, круглыя сталы з педагогамі, таксама аформлены інфармацыйныя стэнды і куткі, арганізаваны інтэлектуальныя гульні, выступленне агітбрыгад.
