З 8 па 11 лістапада 2023 года ў нашай школе праходзіла рэспубліканская інфармацыйна-адукацыйная акцыя «Беларусь – энергаэфектыўная краіна» пад дэвізам «Уключай энергаэфектыўнасць!». Акцыя была прымеркавана да міжнароднага Дня энергазберажэння, які штогод адзначаецца 11 лістапада. Акцыя праводзіцца ў мэтах рэалізацыі палажэнняў Дырэктывы Прэзідэнта Рэспублікі Беларусь «Аб прыярытэтных напрамках умацавання эканамічнай бяспекі дзяржавы», Закона Рэспублікі Беларусь «Аб энергазберажэнні». Мэта правядзення акцыі - павышэнне дасведчанасці насельніцтва аб важнасці эфектыўнага выкарыстання энергарэсурсаў, магчымых спосабах і метадах іх эканоміі, у тым ліку ў паўсядзённым жыцці і ў побыце, што з'яўляецца значнай мерай у паляпшэнні дабрабыту грамадзян і эканамічнага росту краіны ў цэлым. У рамках акцыі ў школе былі праведзены тэматычныя інфармацыйныя гадзіны, конкурсы і віктарыны.
