Напярэдадні навагодніх свят будуць працаваць ёлачныя кірмашы. Купіць лясную прыгажуню можна будзе ва ўсіх лясніцтвах раёна.
У Валожыне ёлачны базар пачне працу 20 снежня і размесціцца на аўтастаянцы па вуліцы Партызанская, 4.
Плануецца, што ёлачныя кірмашы будуць працаваць з 11.00 да 19.00, але ў гэты графік могуць уносіцца змены ў залежнасці ад размяшчэння гандлёвага аб'екта.
Кошт навагодніх прыгажунь залежыць ад яе вышыні. Арыентыровачна кошт будзе пачынаецца ад 14 рублёў за ялінку да 1 метра, ад 1,1 да 2 м — 16 рублёў; ад 2,1 да 3 м — 20 рублёў; ад 3,1 да 4 м — 45 рублёў; ад 4,1 да 5 м — 200 рублёў. Елка калючая ў кадцы - 50 руб., елка еўрапейская ў кадцы - 35 руб. Букет навагодні — 6 рублёў. Навагодні вянок з елкі звычайнай - 6 руб. Навагодні вянок з елкі калючай - 10 руб.
Валожынскі лясгас гатовы забяспечыць патрэбнасць насельніцтва ў навагодніх дрэвах у поўнай меры. Дарэчы, набыць лясную прыгажуню можна будзе да 31 снежня ўключна.
