У Валожынскім музеі прайшоў музейны занятак «Родны край вачмі мастака». Мерапрыемства было прысвечана Дню нараджэння сусветна вядомага мастака з Багданава - Фердынанда Рушчыца і праводзілася ў Міжнародны дзень мастака, што аказалася вельмі сімвалічным. На занятку навучэнцы 4 класа гімназіі № 1 г.Валожына пазнаёміліся з біяграфіяй мастака і яго творчасцю, паглядзелі мультымедыйную прэзентацыю па тэме і прынялі ўдзел у інтэрактыўнай гульні «Калі бачыш на карціне...».



