Акцыя "Дай лесу новае жыццё!" стартавала 11 кастрычніка ў Беларусі. Сёння на тэрыторыі Пяршайскага лясніцтва ўдзел у ёй прынялі: Міністр унутраных спраў Іван Кубракоў, начальнік УУС Міншчыны Андрэй Любімаў, кіраўнікі служб, спецпадраздзяленняў і ўстаноў адукацыі МУС, старшыня Валожынскага райвыканкама Яўген Круковіч.
Да міліцыянераў далучыліся курсанты ведамасных ВНУ і Цэнтра падрыхтоўкі кадраў, навучэнцы спецыялізаваных ліцэяў МУС, а таксама выхаванцы ваенна-патрыятычных клубаў, якія пераймаюць вопыт і традыцыі ў старэйшых таварышаў.
Адкрываючы мерапрыемства, кіраўнік МУС адзначыў: "Дзякую калегам з Валожынскага лясгаса за магчымасць прыняць удзел у гэтай акцыі. Рэгулярна адгукаемся на такія ініцыятывы, і я з гонарам хачу сказаць, што супрацоўнікамі МУС высаджаны ўжо не адзін гектар лесу. Мы не толькі забяспечваем правапарадак, але і даем новае жыццё прыродзе".
Асаблівую сімвалічнасць цяперашняй акцыі надае той факт, што яна праходзіць у Год добраўпарадкавання. Па добрай традыцыі ініцыятыву па ўсёй краіне актыўна падтрымалі супрацоўнікі органаў унутраных спраў і вайскоўцы ўнутраных войскаў, уносячы свой уклад у азеляненне і ператварэнне роднага краю.
Вынік сумеснай работы ўражвае: на тэрыторыі 3,7 гектара было высаджана 24 500 саджанцаў бярозы і хвоі!
