Дэлегацыя Валожынскага раёна 18-19 снежня прыме ўдзел у другім пасяджэнні VII Усебеларускага народнага сходу. Наш рэгіён прадстаўляюць дэлегаты:
Віталь Бычкоўскі - старшыня Валожынскага райвыканкама;
Таццяна Ціганіна - старшыня савета Валожынскай раённай арганізацыі ветэранаў;
Аляксандр Скапец - начальнік станцыі "Валожын" УП "Мінскае аддзяленне Беларускай чыгункі", дэпутат раённага Савета дэпутатаў па Гародзькаўскай выбарчай акрузе №3.
Таццяна Акушко - загадчык аддзялення сацыяльнай рэабілітацыі, абілітацыі інвалідаў Валожынскага тэрытарыяльнага цэнтра абслугоўвання насельніцтва.
Валожынская дэлегацыя прымае ўдзел у маштабнай выставе дасягненняў рэспублікі "Мая Беларусь".
У гэтым годзе экспазіцыя будзе падзелена на тры блокі. Першы з іх - інсталяцыі і фотазоны. Наведвальнікі выставы ўбачаць інсталяцыю ў выглядзе карты Беларусі са знакавымі аб'ектамі, узведзенымі за гады незалежнасці краіны. У вялікай выставачнай зале будзе экспазіцыйны блок у выглядзе васьмі буйных лакацый, прысвечаны ключавым галінам. У малой зале прадстаўлена экспазіцыя, якая раскрывае прыгажосць і турыстычны патэнцыял краіны. Выстава праходзіць у Міжнародным выставачным цэнтры ў Мінску і працягнецца да 23 лютага.
У першы дзень будзе заслуханы зварот Прэзідэнта з Пасланнем да беларускага народа і парламента. У другі дзень запланавана зацвярджэнне Праграмы сацыяльна-эканамічнага развіцця Беларусі на 2026-2030 гады. Яе прадставіць прэм'ер-міністр, які, у прыватнасці, таксама зробіць справаздачу аб выкананні праграмы папярэдняй пяцігодкі. У ліку іншых тэм парадку дня УНС - разгляд шэрагу кадравых пытанняў.
