Сёння студэнтаў БДПУ хлебам-соллю сустрэла сярэдняя школа №1. Цёплая атмасфера панавала з першых хвілін зносін. Наперадзе ўсіх чакалі творчасць, майстар-класы і незабыўныя хвіліны ўзаемадзеяння.
Канцэртная праграма ў актавай зале вылілася ў грандыёзнае шоу тыпу "ВАУ". Гледачам не хапала месца. Гучныя апладысменты не змаўкалі на працягу ўсяго выступлення гасцей.
Кульмінацыяй праграмы стаў танцавальны флэш-моб, які захапіў сваёй дынамічнасцю глядзельную залу.
Навучэнцы прымалі артыстаў з максімальнай ступенню шчырасці і прызнання таленту дзяўчат.
Таксама канцэрт студэнтаў БДПУ прайшоў і для гімназістаў, чым завяршыў цыкл сустрэч са студэнтамі БДПУ ва ўстановах сярэдняй адукацыі горада Валожына.
Захапілі школьнікаў і майстар-класы. Для кожнага ўзросту было прапанавана сваё заданне. "Мастацтва жэсту", "Нябачны свет" па тэхніцы чытання і лісты Брайля, трэнінг "Уключэнне ў інклюзіўнае асяроддзе" і іншыя. Уменне ўцягнуць рабят у працэс пазнання свету людзей з асаблівасцю сведчыць аб не выпадковым выбары прафесіі кожнага з прадставіўшых свой напрамак.
У гэты ж дзень для педагогаў і дэфектолагаў устаноў адукацыі ў раённым Цэнтры карэкцыйна-развіваючага навучання і рэабілітацыі прайшоў круглы стол "Актуальныя пытанні навучання і выхавання дзяцей з засмучэннямі аўтыстычнага спектру ва ўмовах рэалізацыі прынцыпу інклюзіі ў адукацыі" з удзелам кандыдата педагагічных навук, дацэнта Вольгі Светлаковай.
Насычаны прадуктыўны дзень завяршыўся агляднай экскурсіяй па значных месцах раённага цэнтра. Турыстычны інфармацыйны цэнтр пазнаёміў удзельнікаў Зорнага паходу з жамчужынамі рэгіёна. Касцёл Святога Юзафа, Палацавы ансамбль Тышкевічаў, Валожынская iешыва. Што можа быць каштоўней самой гісторыі.
Госці таксама наведалі "Скарбніцу", дзе пазнаёміліся з мастацтвам пляцення паясоў на ніту, а таксама акунуліся ў мінулае эпохі савецкіх часоў.
Час прайшоў незаўважна і адназначна з карысцю. Хай наш горад запомніцца тым, хто прыехаў сюды ўпершыню, толькі самымі лепшымі сваімі бакамі. І не важна, што зімовая пара дыктуе свае ўмовы надвор'я, бо для дапытлівых і імкнучыхся да пазнання новага маладых сэрцаў не можа быць ніякіх перашкод.
Фатаграфій - мора, а уражанняў - яшчэ больш!
Кацярына Кароль, фота аўтара
