У раёне праходзіць Адзіны дзень інфармавання. Прадстаўнікі інфармацыйна-прапагандысцкіх груп сустракаюцца з працоўнымі калектывамі, каб абмеркаваць нашу агульную будучыню.
Ключавая тэма — устойлівае развіццё беларускіх рэгіёнаў. Гэта адзін з галоўных прыярытэтаў сацыяльна-эканамічнага развіцця краіны на бліжэйшую пяцігодку (2026-2030).
Задача, пастаўленая Прэзідэнтам, гучыць выразна:
- сцерці грані ва ўзроўні жыцця паміж мегаполісам і глыбінкай. Кожны чалавек — у райцэнтры або маленькай вёсцы — павінен мець камфортныя ўмовы для жыцця і працы.
Асаблівы водгук у слухачоў знаходзіць прамая прамова Кіраўніка дзяржавы, якую прыводзяць выступоўцы:
"Якасны рост павінен забяспечвацца эфектыўнай працай".
Гэта значыць, што росквіт роднага краю залежыць не толькі ад праграм і стратэгій, але і ад простай працоўнай дысцыпліны і самааддачы кожнага з нас. Падмурак дабрабыту Валожыншчыны закладваецца прама зараз - на нашым працоўным месцы.
