З 30 красавіка 2026 года пасаду кіраўніка спраў Валожынскага раённага выканаўчага камітэта заняла Вольга Аляксандраўна Часноўская.
Старшыня райвыканкама Віталь Бычкоўскі прадставіў новага кіраўніка калектыву і ўручыў пасведчанне. Ён пажадаў Вользе Аляксандраўне поспехаў на адказнай пасадзе.
Вольга Аляксандраўна Часноўская нарадзілася ў 1991 годзе ў Стаўбцоўскім раёне. Мае вышэйшую юрыдычную адукацыю: у 2014 годзе скончыла Баранавіцкі дзяржаўны ўніверсітэт, а таксама прайшла перападрыхтоўку ў Акадэміі кіравання пры Прэзідэнце Рэспублікі Беларусь па спецыяльнасці "Правазнаўства, дзяржаўнае і мясцовае кіраванне". Працоўную дзейнасць пачала ў судовай сістэме, прайшоўшы шлях ад сакратара судовых пасяджэнняў да начальніка аддзела прымусовага выканання Стаўбцоўскага раёна, дзе працавала з 2014 года.
