Гэта велічнае свята аб’ядноўвае і збліжае сем’і, пакаленні, краіны і народы ў імкненні духоўнага абнаўлення, у жаданні дзяліцца між сабой цяплом, любоўю і міласэрнасцю.
У цудоўныя калядныя дні сэрцы поўняцца надзеяй, гатоўнасцю дапамагаць тым, каму патрэбна наша падтрымка. Збіраючыся за шчодрым святочным сталом, мы адчуваем непаўторную сувязь пакаленняў, разумеем патрэбу ў чалавечай цеплыні і шчырасці і дзякуем Усявышняму за кожнае імгненне жыцця, за дабрабыт нашых дамоў, за мірнае неба, за моц і росквіт Беларусі.
Няхай свята дапаможа абнаўленню вашых духоўных сіл, паслужыць адраджэнню добрых чалавечых якасцей. Няхай паразуменне і згода пануюць у вашых сем’ях, а святло і любоў напаўняюць сэрцы.
Жадаю моцнага здароўя, шчасця, працоўных поспехаў, святочнага настрою, веры ў тое, што самыя запаветныя жаданні і мары збудуцца, а асалода ад святкавання Каляд падорыць цудоўны настрой на цэлы год!
З павагай,
старшыня раённага выканаўчага камітэта Мікалай Анатольевіч АСТРЭЙКА
