Валожынскі раённы
выканаўчы камітэт

У 2016-м яна прыйшла сюды ўрачом-інтэрнам пасля заканчэння Беларускага дзяржаўнага медыцынскага ўніверсітэта. Недзе праз год малады ўрач-педыятр стала загадчыкам аддзялення. Акрамя лячэбнай дзейнасці, Наталля Валер’еўна яшчэ дае кансультацыі для маленькіх пацыентаў іншых аддзяленняў, адказвае за падначалены ёй сярэдні і малодшы медыцынскі персанал. Праца патрабуе высокай самааддачы, сучасных кваліфікаваных ведаў і лепшых чалавечых якасцей. Н. В. Ажарэльева разумее: людзі давяраюць ёй самае каштоўнае, што ў іх ёсць — здароўе, а часам і жыццё сваіх крывінак. У педыятрычным аддзяленні заўсёды шмат пацыентаў, большасць – з бронха-лёгачнымі захворваннямі. Спецыяліст стараецца знайсці падыход да кожнага малога. Камунікабельнага і ўважлівага доктара любяць дзеці і паважаюць бацькі.