З рук галоўнага спецыяліста аддзела ідэалагічнай работы, культуры і па справах моладзі райвыканкама, намесніка старшыні раённай арганізацыі “Белая Русь” Ганны Канановіч малады чалавек атрымаў ліст з падзякай і каштоўны падарунак. З падарункам прыбыла і старшыня раённага аб’яднання прафсаюзаў Вераніка Загорская. Першы сакратар РК “БРСМ” Уладзімір Ціханоўскі павіншаваў Аляксандра з перамогай у абласным конкурсе “Маладая Міншчына – за ўраджай!” і ўручыў сертыфікат на пакупкі ў магазіне “Вясёлка”.
Як адзначыла намеснік старшыні сельгаспрадпрыемства Марына Майсевіч, амаль усе сваякі лепшага вадзіцеля працуюць ў гаспадрцы. Гэта людзі, якімі можна ганарыцца. Сам жа ён – выдатны сем’янін, безадакорны работнік, добры і шчыры чалавек.
