Адрас:

222357, г. Валожын, пл. Свабоды, 2

Тэлефон прыёмнай:

+375 (1772) 5-55-72

Рэжым работы:

з 8.30 да 13.00 і з 14.00 да 17.30 па буднях

гарачая лінія: +375 (1772) 5-55-72

Беларусь і Венгрыя плануюць пашыраць узаемадзеянне ў сферы адукацыі

05.05.2023

Беларусь і Венгрыя плануюць пашыраць узаемадзеянне ў сферы адукацыі. Гэта пытанне было абмеркавана на сустрэчы Надзвычайнага і Паўнамоцнага Пасла Беларусі ў Венгрыі Уладзіміра Улаховіча з намеснікам дзяржаўнага сакратара Міністэрства знешнеэканамічных сувязей і замежных спраў Венгрыі Міклашам Лендэлем, паведамілі БЕЛТА ў беларускай дыпмісіі.

"Бакі абмеркавалі беларуска-венгерскае ўзаемадзеянне ў сферы адукацыі, у тым ліку ў рамках стыпендыяльных праграм для навучання студэнтаў у Беларусі і Венгрыі. Намецілі крокі па далейшай актывізацыі адпаведнага супрацоўніцтва, акрэслілі план сумесных мерапрыемстваў на бліжэйшую перспектыву", - расказалі ў пасольстве.

Як паведамлялася, у сакавіку Уладзімір Улаховіч наведаў Венгерскі ўніверсітэт сельскай гаспадаркі і навук аб жыцці (МАТЕ). Кіраўнік дыпламатычнай місіі правёў сустрэчу з кіраўніком дэпартамента міжнародных адносін універсітэта Давідам Бенчыкам, азнаёміўся з гісторыяй, структурай і міжнароднай дзейнасцю МАТЕ.

У час размовы былі абмеркаваны актуальныя пытанні двухбаковага супрацоўніцтва ў аграрнай сферы з акцэнтам на адукацыйную і навукова-даследчую дзейнасць. Бакі абмяняліся канкрэтнымі прапановамі па актывізацыі профільных кантактаў, рэалізацыі сумесных праектаў, удзеле ў міжнародных мерапрыемствах і рабоце беларуска-венгерскіх дыялогавых фарматаў.

БелТА

Крыніца: belta.by