Супрацоўнікі ДУ “Валожынскі краязнаўчы музей” падрыхтавалі музейны ўрок “Ад зерня – колас, ад слова – мова” да Міжнароднага Дня роднай мовы. Даступная для дзяцей інфармацыя па гісторыі мовы, яе значэнне ў жыцці беларускага грамадства чаргуецца з цікавымі загадкамі, крыжаванкамі, рэбусамі і пазнавальнымі інтэрактыўнымі заданнямі.
З нагоды гэтай падзеі ў музеі арганізавана выстава з фондаў музея “Беларуская мова – мелодыя сэрца”. Наведвальнікі могуць разгледзіць беларускія падручнікі 70-80 гадоў, розныя віды слоўнікаў, пазнаёміцца з паэтычнымі творамі вядомых класікаў і нашых землякоў, якія прысвечаны роднай мове.