5 верасня 2021 года народны гурт народнага гумару “Дубінскія фанабэры” (кіраўнік Валерый Мазура) Дубінскога сельскага цэнтра культуры Валожынскага раёна прымаў удзел ў абласным фестывалі гульні і гумару “Капыльскія пацехі” (г.Капыль). Дубінскія гумарысты прадставілі жартоўную мініяцюру “Дубінскі кірмаш”. Сярод 23-х калектываў-удзельнікаў “Дубінскія фанабэры” атрымалі дыплом Лаўрэата І ступені і каштоўны падарунак.
У рамках фестывалю працавала выстава гумарыстычнага накірунку. Работы майстра Алёны Рыснік Сакаўшчынскага сельскага цэнтра культуры прадстаўляла кіраўнік народнага аб’яднання майстроў “Скарбніца” Наталія Кліменак.
