12 чэрвеня ў Валожынским раённым цэнтры культуры адбылася чарговая сустрэча школьнікаў з членамі Саюза пісьменнікаў Беларусі, удзельнікамі народнага калектыву “Рунь” М. Шакун, Л. Гардынец, А Мітрошчанкавай. Разам з паэткамі дзеці падарожнічалі па сцяжынках свайго дзяцінства, адкрываючы для сябе новыя таямніцы навакольнага свету, якія знайшлі ўвасабленне ў паэтычнай творчасці рунеўцаў. Дзеці, а гэта вучні СШ №2, якія адпачываюць у аздараўленчым летніку, з цікавасцю ўспрымалі вершаваныя казкі і проста вершы пра дамашніх пітомцаў, прыроду, летні адпачынак, актыўна ўдзельнічалі ў інтэрактыўных літаратурных гульнях, уступалі ў дыялог. Сустрэча была ўзаемна цікававай і прынесла ўсім задавальненне.
