У першыя дні сакавіка песень вакол становіцца больш. І гэта невыпадкова, бо ў пачатку сакавіка адзначаецца Міжнародны дзень жанчын. «З першым вясновым святам дзеці вітаць вас рады» менавіта пад такой назвай удзельнікамі дзіцячых калектываў Валожынскага РЦК: узорным харэаграфічным калектывам “Раніца”, узорнай студыяй эстраднай песні “Праменьчыкі” і вакальным гуртком “Вясёлыя ноткі” быў падрыхтаваны “гастрольны тур”. 6 сакавіка “юныя зорачкі” падарылі свае песні і танцы жыхарам аграгарадка Бабровічы і вёскі Дубіна. Удзячныя гледачы аддзячылі артыстам гучнымі апладысментамі і шчырымі словамі.
