Валожынскі раённы
выканаўчы камітэт

«БЕЛАЯ РУСЬ» У АСОБАХ

Настаўнік геаграфіі дзяржаўнай установы адукацыі «Гімназія №1 г.Валожын»,

кіраўнік раённага метадычнага аб'яднання настаўнікаў навучальных прадметаў «Геаграфія» і «Чалавек і свет»,

пераможца абласнога этапу конкурсу прафесійнага майстэрства педагогаў «Настаўнік года Рэспублікі Беларусь» (2009),

удзельнік рэспубліканскага этапа конкурсу прафесійнага майстэрства педагогаў «Настаўнік года Рэспублікі Беларусь» (2009),

член Савета абласнога клуба педагагічных работнікаў Мінскай вобласці «Флагман»,

член рэспубліканскага клуба добраахвотнай незалежнай грамадскай арганізацыі педагогаў «Крыштальны журавель»,

настаўнік-метадыст,

аўтар вучэбна-метадычнага комплексу факультатыўнага курса «Валожыназнаўства»,

аўтар публікацый: у часопісе «Геаграфія. Праблемы выкладання», у газеце «Настаўніцкая газета», у часопісе «Веснік адукацыі», часопісе «Народная асвета».

Святлана Вітольдаўна Федарака ў 1986 годзе скончыла геаграфічны факультэт Беларускага дзяржаўнага універсітэта імя У.І. Леніна. З 1989 года выкладае геаграфію ў гімназіі №1 г. Валожына.

Што паўплывала або хто паўплываў на выбар Вашай прафесіі? І чаму менавіта геаграфія?

З самага дзяцінства я марыла стаць настаўнікам, як мая мама Ніна Фёдараўна Федарака. Яна працавала настаўнікам пачатковых класаў. Я «дапамагала» маме пісаць планы і правяраць сшыткі. З дзяцінства я прасякла настаўніцкай прафесіяй. Так што настаўнікам я стала дзякуючы маёй маме.

А чаму геаграфія?.. Я вучылася ў сярэдняй школе № 1 г. Валожына. І геаграфію ў нас выкладала Святлана Саламонаўна Бушланава. Менавіта гэты таленавіты і крэатыўны настаўнік паўплываў на выбар маёй прафесіі. Чалавек высокай унутранай культуры і абсалютна адданы прафесіі і дзецям.

Зместам свайго прадмета для сваіх вучняў я адкрываю свет таямніц і адкрыццяў, свет разнастайнасці прыроды, жыцця і побыту людзей у ёй. Свет магутнай велічы прыроды і яе адначасовай ранімасці і безабароннасці. Свет навуковых спрэчак, паражэнняў і , абавязкова - перамог.

Вы займаецеся любімай справай усё сваё жыццё. І Ваша праца дае дабрадатны плён. Чым Вы можаце ўжо ганарыцца?

Справядліва сказана, што пісьменнік жыве ў сваіх творах, мастак - у карцінах, кампазітар - у створанай ім музыцы. А настаўнік жыве ў думках і ўчынках сваіх вучняў.

Таму прадметам майго гонару з'яўляюцца мае вучні і іх перамогi. Створаная атмасфера навуковага пошуку, узаемадзеяння і супрацоўніцтва паміж мной і вучнямі прыводзіць да рэзультатыўнага ўдзелу навучэнцаў у прадметных алімпіядах, навукова-практычных канферэнцыях, даследчых конкурсах абласнога, рэспубліканскага, міжнароднага ўзроўняў. Мой вучань узнагароджаны дыпломам 3 ступені на заключным этапе рэспубліканскай алімпіяды па геаграфіі (2013 года) і з'яўляўся стыпендыятам Спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і моладзі. 5 вучняў удастоены дыпломаў на рэспубліканскіх конкурсах даследчых работ.

Самая вялікая гордасць мая - мой вучань, пераўзышоўшы свайго настаўніка - Курловіч Дзмітрый. Зараз гэта Дзмітрый Міраслававіч Курловіч - кандыдат геаграфічных навук, дацэнт, дэкан геаграфічнага факультэта БДУ.

Я ганаруся тым, што з'яўляюся пераможцам конкурсу «Настаўнік года Мінскай вобласці - 2009», а на рэспубліканскім этапе конкурсу стала ўладальнікам дыплома Міністэрства адукацыі Рэспублікі Беларусь «За эфектыўнае выкарыстанне сучасных сродкаў навучання».

Ганаруся тым, што маю кваліфікацыйную катэгорыю «настаўнік - метадыст» і з'яўляюся аўтарам вучэбна-метадычнага комплексу «Валожыназнаўства».

А яшчэ я ганаруся, што з рук Прэзідэнта Рэспублікі Беларусь А.Р. Лукашэнка атрымала высокую ўзнагароду - медаль «За працоўныя заслугі».

Праца Святланы Вітольдаўны Федарака неаднаразова адзначалася Ганаровымі граматамі рэспубліканскага, абласнога і раённага значэння.

Нарыс пра настаўніка з Валожынскай гімназіі змешчаны ў кнігу «З любоўю да дзяцей» у рубрыцы «Педагогі, якія ўнеслі ўклад у развіццё педагагічнай навукі» (кніга выдадзена ўпраўленнем адукацыі і ўпраўленнем ідэалагічнай работы Мінскага абласнога выканаўчага камітэта ).

Святлана Вітольдаўна, раскажыце пра свае прафесійныя інтарэсы і інтарэсы звычайнага чалавека - Святланы Федарака?

Кола маіх прафесійных і асабістых інтарэсаў дастаткова шырокае: ад метадычнай работы з настаўнікамі і навукова-даследчых пошукаў з вучнямі да рамантычнай паэзіі Срэбнага стагоддзя і класічнай аркестравай музыкі. Люблю слухаць Антоніа Вівальдзі, Фрыдэрыка Шапэна, Рыхарда Вагнера. З сучасных кампазітараў падабаюцца Радзівон Шчадрын, Філіп Гласс.

У вольны час перачытваю Ганну Ахматаву, Канстанціна Бальманта, Фёдара Салагуба. І кожны раз з новым сэнсам, з новымі эмоцыямі.

Святлана Вітольдаўна Федарака - прыроджаны педагог. Яна злучае ў сабе любоў да справы і да вучняў і ў поўнай меры ўвасабляе вобраз здзейсненага настаўніка.

Яна аддае энергію, розум і талент, сваё жыццё ў імя таго, каб кожны вучань стаў сапраўдным грамадзянінам, чалавекам з высакароднай душой.

Валожынскі раённы аддзел Мінскага абласнога ўпраўлення Фонду сацыяльнай абароны насельніцтва Міністэрства працы і сацыяльнай абароны Рэспублікі Беларусь інфармуе аб правядзенні 14 красавіка 2021 года з 11.00 да 12.00 па адрасе: г.Валожын, пл. Свабоды, 21 круглага стала на тэму «Фарміраванне пенсійных правоў самазанятымі грамадзянамі».

9-11 красавіка ў Баранавічах прайшоў камандны чэмпіянат Рэспублікі Беларусь па настольным тэнісе - Другая ліга. Першынство сабрала самых розных спартсменаў: ад аматараў да майстра спорту. Удзел прымала 32 мужчынскія і 12 жаночых каманд. Наша навучэнка аддзялення настольнага тэніса Сучкевіч Лізавета выступала ў складзе зборнай Мінскай вобласці, якая па выніках спаборніцтваў заняла 3 месца.

Зав.Саковщинского СЦК                                                                      А.Ф.Рысник

Падчас творчай прэзентацыі “Да нас у ліцэй прыходзь і сяброў прыводзь”.

У шасці ўстановах агульнай сярэдняй адукацыі адбыліся семінары-трэнінгі па праграме “Роўны навучае роўнага” ў рамках праекта “Вучымся кіраваць сваім будучым”, які рэалізуецца Валожынскай пярвічнай арганізацыяй ГА “Беларуская асацыяцыя дапамогі дзецям-інвалідам і маладым інвалідам”, а таксама прафарыентацыйныя мерапрыемствы, што падрыхтавалі педагогі і навучэнцы Валожынскага сельскагаспадарчага прафесіянальнага ліцэя.

Выступае спікер-валанцёр Яна ЗЯНЬКО.

Партнёрамі праекта, акрамя ліцэя, выступілі ўпраўленне па адукацыі, спорце і турызме райвыканкама і Івянецкі дом-інтэрнат для дзяцей інвалідаў з асаблівасцямі фізічнага развіцця. Яго мэта – стварыць станоўчы вобраз людзей з інваліднасцю, сфарміраваць прыязнае і роўнае стаўленне да іх і тым самым садзейнічаць сацыялізацыі і інклюзіі, а значыць, больш поўнаму і ўсебаковаму ўдзелу тых у жыцці грамадства.

Трэнер-валанцёр Наталля Нямкевіч расказвала прысутным пра праект “Вучымся кіраваць сваім будучым”, які распачаў дзейнасць мінулай вясной у Івянецкім доме-інтэрнаце, дзе рабяты на працягу 14 заняткаў вучыліся рэалізоўваць уласную мару, і прывяла прыклады таго, што ў выніку з гэтага атрымалася. Узгадала валанцёр і Маладзёжную школу спікераў і блогераў, якая працуе ў анлайн-фармаце. Праз Zoom інтэграваная група маладых людзей спасцігае прамудрасці выступлення на публіцы, пераадольвання страхаў і інш. Менавіта падчас мерапрыемстваў яны ўпершыню прадэманстравалі сваё аратарскае майстэрства.

Спікеры-валанцёры сумесна з трэнерам выступалі перад вучнямі ўстаноў адукацыі. Яны расказалі цікавыя гісторыі пра сябе і іншых рабят з інваліднасцю. Увазе прысутных былі прапанаваны фільмы пра рэальных людзей, якім дыягназы не перашкаджаюць паўнацэнна жыць і здзяйсняць свае мары. Дзякуючы такім сюжэтам разбураюцца стэрэатыпы і пашыраецца мысленне.

Касцюмы ў нацыянальным стылі прадэманстравалі маладыя людзі з інваліднасцю і валанцёры сельскагаспадарчага прафесіянальнага ліцэя.

У рамках праекта былі створаны касцюмы ў нацыянальным стылі. Адна іх частка пашыта людзьмі з абмежаванымі магчымасцямі, другая – навучэнкамі ліцэя пад кіраўніцтвам майстра вытворчага навучання Алены Юр’еўны Карповіч. Дызайнерам стала Ларыса Альбертаўна Мытнік. Інтэграваная група з ліку моладзі з інваліднасцю і валанцёраў ліцэя прадэманстравалі дэфіле.

Валанцёры сельскагаспадарчага прафесійнага ліцэя падрыхтавалі і паказалі відэапрэзентацыю, распавялі прысутным пра ўстанову адукацыі, творчую і грамадска-карысную дзейнасць. Асноўная думка, якую яны хацелі данесці мэтавай аўдыторыі: ліцэй – адна з невялікіх прыступак для дасягнення сваёй мэты. Тут можна атрымаць не толькі адразу некалькі спецыяльнасцей, але і знайсці сабе справу па душы. Выступленне рабят закончылася творчай прэзентацыяй “Да нас у ліцэй прыходзь і сяброў прыводзь”.

Вучні сярэдняй школы № 2 г. Валожына, Вішнеўскага і Гародзькаўскага ВПК, Ракаўскай, Івянецкай і Суднікаўскай сярэдніх школ мелі магчымасць пазнаёміцца з мабільнай выставай “Мы побач з вамі” і больш дазнацца, чым жыве моладзь з інваліднасцю, яе асноўных праблемах. Рабяты атрымалі інфармацыйныя матэрыялы: буклеты, памяткі, стыкеры. На заканчэнне мерапрыемстваў дэманстраваўся фільм “Жыццё”, падрыхтаваны ў рамках праекта “Вучымся кіраваць сваім будучым”.

Анжэла РАДЫНА,

фота аўтара

08.04.2021  в  Богдановском сельском центре культуры в рамках республиканской профилактической акции «Дом без насилия» прошла беседа с подростками «Добро против насилия». Из беседы  участники  узнали, что такое домашнее насилие, как распознать случаи домашнего насилия, куда обращаться за помощью. В итоге ребята вместе с ведущей  сделали выводы, как важно, чтобы  между всеми членами семьи были дружеские и доверительные отношения.

10  красавіка  адбылося паседжанне актыву народнага аб’яднання народных майстроў “Скарбніца” (г.Валожын, ул.Партызанская,26). На паседжанні віншавалі красавіцкіх імяніннікаў, абмяркоўвалі чарговыя выставы і сустрэчы з майстрамі. Запланаваны экскурсійныя паездкі.

У суботу, 11 красавіка, адбылося паседжанне народнага літаратурна-мастацкага аб’яднання «Рунь».  Упершыню, амаль за два дзесяцігоддзі, ўдзельнікі аб’яднання сабраліся ў раённым Цэнтры культуры без свайго кіраўніка, Валянціны Францаўны Гіруць-Русакевіч. Сустрэча пачалася з хвіліны маўчання,  падчас якой  ніхто не стрымліваў слез, бо душы прысутных разрываліся ад вялікага гора.

У гэты дзень гаварылі толькі пра Валянціну Францаўну – успаміналі першыя сустрэчы, прыгадвалі выпадкі з жыцця, засяроджвалі ўвагу на яе парадах і наказах. І кожнае слова прысутных было пранізана болем незаменнай страты… 

На паседжанні абмяркоўваліся пытанні ўшанавання светлай памяці Валянціны Францаўны:  выхаду ў раённай газеце “Працоўная слава” “Літаратурнай старонкі” з яе творамі і  прысвечэннямі ад сяброў па пяру; арганізацыя і правядзенне конкурсу мастацкага чытання вершаў  і вечарыны памяці члена Саюза пісьменнікаў Беларусі  В.Ф. Гіруць-Русакевіч.

У Валожынскім краязнаўчым музеі адкрылася выстава з фондаў Мінскага абласнога музея “Мастацтва любоўю і сэрцам сагрэтае”. Гэта прыгожыя пано  з саломкі Людмілы Валковіч – Борыс,  лялькі ў нацыянальным адзенні і пано – выцінанкі  Вікторыі  і Лізаветы  Чырвонцавых. Усе работы выкананы на высокім прафесійным узроўні. Выстава дапамагае распазнаць асаблівасці нацыянальнай культуры, яе гістарычнасць і самабытнасць.

Запрашаем жыхароў горада і раёна, вучняў адукацыйных устаноў  наведаць нашу выставу, якая  працуе з 13 па 25 красавіка.

У рамках Міжнароднага Дня вызвалення вязняў фашысцкіх канцлагераў, які штогод адзначаецца 11 красавіка 1945 года, у Валожынскай дзіцячай бібліятэцы прайшоў урок памяці «Ведаць і памятаць».