Валожынскі раённы
выканаўчы камітэт

Новыя будаўнічыя нормы зацверджаны ў Беларусі. Гэта прадугледжана дзвюма пастановамі Міністэрства архітэктуры і будаўніцтва, якія сёння афіцыйна апублікаваны на Нацыянальным прававым інтэрнэт-партале, паведамляе БЕЛТА.

Дзяржаўная праграма "Здароўе народа і дэмаграфічная бяспека" на 2021-2025 гады зацверджана пастановай Савета Міністраў ад 19 студзеня 2021 года нумар 28, паведамляе БЕЛТА са спасылкай на Нацыянальны прававы інтэрнэт-партал.

У Беларусі за апошнія тры гады аб'ём транзітных тавараў, перавезеных праз мытную граніцу, павялічыўся амаль на 7 працэнтаў, паведамілі БЕЛТА ў Дзяржаўным мытным камітэце.

Беларусы пакрываюць затраты на аказанне жыллёва-камунальных паслуг на 83,2 працэнта, расказаў міністр жыллёва-камунальнай гаспадаркі Андрэй Хмель сёння на прэс-прэзентацыі асноўных напрамкаў праграмы сацыяльна-эканамічнага развіцця Беларусі на 2021-2025 гады, паведамляе карэспандэнт БЕЛТА.

Рознічны тавараабарот у 2020 годзе склаў Br53,1 млрд, або 101,8 працэнта ў супастаўных цэнах да ўзроўню 2019 года, паведамілі БЕЛТА ў Нацыянальным статыстычным камітэце.

У Беларусі павялічаны тарыфы на цеплаэнергію для эксплуатуючых жылфонд арганізацый. Адпаведная пастанова Міністэрства антыманапольнага рэгулявання і гандлю ад 4 студзеня 2021 года нумар 1 афіцыйна апублікавана сёння на Нацыянальным прававым інтэрнэт-партале, паведамляе БЕЛТА.

Больш за 46 тыс. га новых лясоў з'явілася ў Беларусі ў 2020 годзе, паведамілі БЕЛТА ў прэс-службе Міністэрства лясной гаспадаркі.

Сёння згодна з планам падрыхтоўкі Ваенна-паветраных сіл і войскаў проціпаветранай абароны па прызначэнні ў 2020/2021 вучэбным годзе пройдзе сумесная падрыхтоўка родаў войскаў і спецыяльных войскаў ВПС і войскаў ППА пад кіраўніцтвам камандуючага ВПС і войскамі ППА. Аб гэтым БЕЛТА паведамілі ў Міністэрстве абароны.

У Беларусі вызначаны парадак правядзення і (або) выканання здзелак або іншых юрыдычна значных дзеянняў пры ажыццяўленні банкаўскіх, а таксама іншых фінансавых аперацый пры дапамозе смарт-кантрактаў. Адпаведная пастанова праўлення Нацыянальнага банка нумар 428 ад 24 снежня 2020 года афіцыйна апублікавана сёння на Нацыянальным прававым інтэрнэт-партале, паведамляе БЕЛТА.

Урачыстае мерапрыемства праводзіцца на Міншчыне шосты раз. Сёлета яно было арганізавана ў анлайн-фармаце і стала фінальным акордам навагодняй дабрачыннай акцыі «Нашы дзеці».

За перамогу ў конкурсе змагаліся 112 навучэнцаў сталічнай вобласці, якія прадстаўлялі свае дасягненні ў вучэбнай, праектнай, творчай, спартыўнай, працоўнай і грамадскай дзейнасці. Сярод іх пераможцы абласных, рэспубліканскіх, міжнародных алімпіяд, канферэнцый, конкурсаў і праектаў, спартыўных спаборніцтваў, лідары грамадскага і валанцёрскага руху, вучнёўскага самакіравання.

Да фіналу конкурсу «Вучань года Мінскай вобласці – 2020» дзеці падрыхтавалі творчыя візітоўкі, у якіх адлюстравалі свае самыя яркія перамогі ў мінулым годзе.

Пераможцам абласнога конкурсу «Вучань года Мінскай вобласці-2020» у намінацыі «Спартыўная дзейнасць» стала навучэнка 10 класа дзяржаўнай установы адукацыі «Івянецкая сярэдняя школа» Каландарова Надзея.

Значным момантам для Надзеі стала ўзнагароджанне дыпломам і падарункам ад галоўнага ўпраўлення па адукацыі Мінскага абласнога выканаўчага камітэта, які 11 студзеня з пачуццём гонару ўручыла навучэнцы дырэктар Івянецкай школы Кулак Юзэфа Іосіфаўна.

Хочацца пажадаць юнай спартсменцы новых вяршыняў і перамог у скарбонку дасягненняў роднай школы і Валожынскага раёна.