Валожынскі раённы
выканаўчы камітэт

Пастановай Савета Міністраў ад 25 лютага 2021 года нумар 111 у Беларусі прадугледжана змяненне ставак экспартных пошлін на нафту і нафтапрадукты, якія вывозяцца за межы мытнай тэрыторыі Еўразійскага эканамічнага саюза, паведамляе БЕЛТА са спасылкай на Нацыянальны прававы партал.

Шматфункцыянальны спартыўны комплекс плануюць пабудаваць у Слуцку ў 2021 годзе. Аб гэтым карэспандэнту БЕЛТА расказаў інжынер па тэхнічным наглядзе за будаўніцтвам УКБ Слуцкага раёна Дзмітрый Самусевіч.

У Беларусі ў 2021 годзе запланаваны 180 конкурсаў для выяўлення і развіцця здольнасцей таленавітай моладзі, паведамілі БЕЛТА ў Міністэрстве культуры.

Паслугамі сацыяльных работнікаў у Крупскім раёне карыстаюцца 874 адзінокія або адзінока пражываючыя пенсіянеры. Пераважная большасць пражывае ў сельскай мясцовасці. Догляд пажылых людзей ажыццяўляюць крыху больш за сотню спецыялістаў мясцовага цэнтра сацыяльнага абслугоўвання насельніцтва.

Экспарт беларускай сельгаспрадукцыі і прадуктаў харчавання ў Казахстан у 2020 годзе вырас больш як на 20 працэнтаў. Аб гэтым паведаміў міністр сельскай гаспадаркі і харчавання Беларусі Іван Крупко ў час пасяджэння сумеснай беларуска-казахстанскай рабочай групы па выпрацоўцы перспектыўных напрамкаў двухбаковага супрацоўніцтва ў галіне сельскай гаспадаркі, перадае карэспандэнт БЕЛТА.

У Нясвіжскім раёне дзейнічае 21 каманда ўрачоў агульнай практыкі. З нядаўняга часу рэгіён поўнасцю перайшоў на такі фармат абслугоўвання пацыентаў, адышоўшы ад прывычных участковых дактароў. У горадзе такія ўрачы поўнасцю замянілі тэрапеўтаў. А ў сельскай мясцовасці акрамя дарослых пацыентаў спецыялісты ўзялі на сябе абавязкі па медыцынскім наглядзе дзяцей і падлеткаў да наступлення паўналецця.

Беларускія банкі ў 2020 годзе накіравалі на дабрачыннасць больш за Br35 млн, паведамілі БЕЛТА ў Асацыяцыі беларускіх банкаў (АББ).

На жалезнарудным кар'еры Міхайлаўскага ГАКа імя А.У.Варычава (АТ "ХК "Металаінвест") у Курскай вобласці (Расія) сабраны і пачаў абкатку чацвёрты на камбінаце самазвал серыі БЕЛАЗ-7531, здольны за адзін рэйс перавезці 240 т горнай пароды, паведамілі БЕЛТА ў прэс-службе ААТ "БЕЛАЗ".

На веснавыя палявыя работы ў 2021 годзе неабходна Br2 млрд 275,5 млн. Гэта прадугледжана рабочым планам па падрыхтоўцы і правядзенні веснавых палявых работ у 2021 годзе, размешчаным на сайце Міністэрства сельскай гаспадаркі і харчавання, паведамляе БЕЛТА.

Барысаў атрымаў статус культурнай сталіцы краіны. Цырымонію пачалі з гашэння дзяржаўнага знака паштовай аплаты "Барысаў - культурная сталіца", пасля чаго ва ўрачыстай абстаноўцы намеснік міністра культуры Беларусі Валерый Грамада ўручыў старшыні райвыканкама Генадзю Дзенгалёву пасведчанне аб прысваенні Барысаву статусу "Культурная сталіца Беларусі - 2021". Мерапрыемства прадоўжылася святочнай праграмай.