Валожынскі раённы
выканаўчы камітэт

3 ліпеня Прэзідэнт Беларусі Аляксандр Лукашэнка прыняў удзел ва ўрачыстым мерапрыемстве на Кургане Славы, прысвечаным Дню Незалежнасці.

У адпаведнасці са Стратэгіяй развіцця малочнай галіны да 2025 года, у нашай краіне прадугледжана павелічэнне аб'ёмаў вытворчасці малака да 9,2 млн т у год. Аб гэтым у інтэрв'ю часопісу "Экономика Беларуси" расказаў дырэктар Інстытута мяса-малочнай прамысловасці НПЦ НАН Беларусі па харчаванні, кандыдат эканамічных навук Гардзей Гусакоў, паведамляе БЕЛТА.

Ён падкрэсліў, што значным фактарам пры гэтым з'яўляецца састаў сыравіны, які аказвае непасрэдны ўплыў на арганалептычныя ўласцівасці гатовых прадуктаў і іх выхад. У гэтым напрамку вядзецца пастаянная работа, звязаная з павышэннем якасці малочнай прадукцыі, тэхнічным перааснашчэннем ферм, падборам эфектыўных рацыёнаў кармлення жывёл, маніторынгам стану малочнага статка.

Асаблівая ўвага ўдзяляецца сістэме кантролю на ўсіх этапах вытворчасці, пачынаючы ад атрымання малака-сыравіны на фермах і заканчваючы гатовай прадукцыяй, што адгружаецца з перапрацоўчых прадпрыемстваў. Вытворчыя лабараторыі малаказаводаў акрэдытаваны на адпаведнасць стандарту ДАСТ ISO/IEC 17025-2019, што сведчыць аб надзейным кантролі за якасцю прадуктаў. На варце іх бяспекі стаіць нарматыўная прававая база.

Інстытутам мяса-малочнай прамысловасці праведзена значная работа па стандартызацыі: распрацаваны 23 дзяржстандарты Рэспублікі Беларусь для малочнай галіны, рыхтуецца 6 міждзяржаўных. З 2018 па 2021 год падрыхтавана 132 тэхнічныя нарматыўныя прававыя акты, адзначыў Гардзей Гусакоў.

БелТА

БЕЛАЗ прадставіў 8 машын на выставе ў Гродне. Тэхніка дэманструецца ў рамках IX Форуму рэгіёнаў Беларусі і Расіі, які праходзiць 30 чэрвеня і 1 ліпеня, паведамілі БЕЛТА у прэс-службе прадпрыемства.

У Беларусі на рамонт дарог і мастоў плануецца дадаткова выдзеліць Br300 млн. З іх Br200 млн пойдуць на рэспубліканскія дарогі і масты, Br100 млн - на мясцовую дарожную сетку, паведамілі БЕЛТА ў прэс-службе Мінтранса Беларусі.

Чарговы крок у аснашчэнні і мадэрнізацыі ўстаноў аховы здароўя цэнтральнага рэгіёна. Новы аперацыйны блок уралагічнага аддзялення адкрылі ў Мінскай абласной клінічнай бальніцы. Ён дазволіць укараніць малаінвазіўныя тэхналогіі больш высокага ўзроўню і развіваць сучасныя метады лячэння. База ва ўралагічным аддзяленні адна з наймацнейшых у нашай краіне і па аснашчэнні, і па кваліфікацыі персаналу. У выніку скароціцца перыяд знаходжання пацыента ў бальніцы, ніжэйшымі будуць і эканамічныя выдаткі, пры гэтым спецыялізаваную дапамогу змогуць аказваць у большым аб'ёме.

Беларускія аграрыі нарыхтавалі больш за 7 млн т сенажу, паведамілі БЕЛТА ў Міністэрстве сельскай гаспадаркі і харчавання.

Манументальнае мастацтва. Амаль 10 скульптур з каменя ўпрыгожаць гарадскую прастору Дзяржынска. Канцэптуальныя вобразы з граніту там cтваралі навучэнцы Мінскага дзяржаўнага мастацкага каледжа імя Глебава. Пленэр аб'яднаў студэнтаў 2 і 3 курсаў: практычныя навыкі яны адпрацоўвалі 10 дзён. Для ювелірнай работы над валунамі былі зададзены дзве тэмы: віды мастацтва, а таксама водная стыхія.

Забароны і абмежаванні на наведванне лясоў уведзены ў 71 раёне Беларусі, паведамляе БЕЛТА са спасылкай на Міністэрства лясной гаспадаркі.

27 чэрвеня адбыліся тактыка-спецыяльныя вучэнні па ліквідацыі надзвычайных сітуацый тэхнагеннага характару. У мерапрыемстве прынялі ўдзел органы і падраздзяленні па надзвычайных сітуацыях, а таксама МУС, Узброеныя Сілы Беларусі. У вучэннях ад МНС было задзейнічана 215 чалавек.

Беларускія аграрыі пачалі другі ўкос траў, паведамілі БЕЛТА ў Міністэрстве сельскай гаспадаркі і харчавання.