Валожынскі раённы
выканаўчы камітэт

25 лепшых работнікаў паштовай галіны з ўсёй краіны занесены на рэспубліканскую Дошку гонару РУП “Белпошта”.  Прадстаўнікоў Міншчыны там трое. Сярод іх – жыхарка вёскі Бабровічы, паштальён мотадастаўкі Валожынскага ўчастка паштовай сувязі Алена ШАРКО. Алена Анатольеўна – першы валожынскі спецыяліст, які заслужыў такога гонару.

У паштовую справу яна прыйшла ў 2009 годзе. Спачатку насіла пошту па Бабровічах і навакольных вёсках. З 2021 года давялося перавучвацца, каб працаваць з АПК “Мабільны паштальён”. Зараз абслугоўвае Івянецкую зону, а гэта больш за 50 населеных пунктаў. Выплата пенсій, дастаўка перыёдыкі, афармленне падпіскі, прыём камунальных плацяжоў, продаж прадуктаў і іншых тавараў… Сёння функцыянал паштовага работніка багаты і разнастайны. Аднак Алена Шарко настолькі дэталёва паглыбілася ў справу, што ў няпростых абавязках – нібы рыба ў вадзе.

Днямі кіраўнік Маладзечанскага рэгіянальнага вузла паштовай сувязі Людміла Шаўрэй, а таксама начальнік валожынскага ўчастка Святлана Лугіна разам з калегамі шчыра павіншавалі працавітую і адказную работніцу са значнай вяхой у яе жыцці. Ганарымся зямлячкай і мы, супрацоўнікі партнёрскай арганізацыі. Дарэчы, цікавы факт: на раённай Дошцы гонару сёння можна ўбачыць мужа Алены Анатольеўны – работніка СГУ “Бабровічы” Леаніда Канстанцінавіча Шарко. Мабыць, у іх гэта сямейнае.

Валянціна КРАЎНЕВІЧ

http://psl.by/?p=64255

У Валожынскім РАУС упэўнены: чым больш сямейных пар у калектыве, тым ён мацнейшы і па-сапраўднаму дружны. Сёння ў аддзеле чатыры такія пары, сярод іх – муж і жонка Родзевічы.

Ігар Эдвардавіч – чалавек у пагонах, капітан міліцыі. Яго пасада – інспектар па дазвольнай рабоце. Гэта вытрыманы, спакойны, добра адукаваны чалавек, які, дарэчы, мае дыплом інжынера. Алена Іванаўна – спецыяліст 2-й катэгорыі па рабоце з іншаземнымі грамадзянамі і асобамі без грамадзянства. Гэта сапраўдны аптыміст і жыццялюб. Выпускніца Баранавіцкага ўніверсітэта з кваліфікацыяй эканаміста-бухгалтара нейкі час працавала ў Івянецкім пасвыканкаме, дзе і пазнаёмілася з сімпатычным праваахоўнікам. Разам яны чатыры гады, і ўжо тры гады як не пара, а трыа. У сям’і падрастае сын Дзіма.

Напярэдадні Дня сям’і мы сустрэліся з Ігарам, Аленай і Дзмітрыем Родзевічамі ў музеі РАУС. Пакуль малодшы член сям’і з цікавасцю разглядваў экспанаты, муж і жонка расказалі пра сваё жыццё. Высветлілася: жывуць дружна, займаюцца ўзвядзеннем уласнага дома. Будоўля стала для іх і асноўным клопатам, і хобі, і месцам, дзе можна праявіць творчыя памкненні. Зразумела, што пры іх рабоце і пакуль не вырашаным жыллёвым пытанні, вольнага часу ў таты і матулі юнага Дзімы няшмат. Аднак на абавязковы сумесны прагляд любімых сынавых мультфільмаў, на якіх выраслі самі, абавязкова знаходзяць гадзіну-другую.

Алена Іванаўна і Ігар Эдвардавіч дасылаюць свае віншаванні з цудоўным святам усім сем’ям Валожыншчыны. У першую чаргу тым, дзе як і ў іх, выхоўваюцца юныя грамадзяне нашай краіны. Хлопчыкам і дзяўчынкам, а таксама іх бацькам  супрацоўнікі райаддзела ўнутраных спраў зычаць здароўя, паразумення і мірнага неба над галавой.

Валянціна КРАЎНЕВІЧ

http://psl.by/?p=64225

9 мая 2022 года.

г. Валожын, пл. Свабоды.

Выставачная кампазіцыя “Родам з СССР”.

Пераможцы адборачнага этапу рэспубліканскага конкурсу “Сям’я года” Вольга і Мікалай Пратасевічы з Пяршаяў, а таксама іх нашчадкі Софія, Юрый і Станіслаў шчыра ўпэўнены: усё ў жыцці пачынаецца з сям’і.

Сям’я была і застанецца асновай грамадства. Актуальнасць гэтага сцвярджэння Анорэ Бальзака наўрад ці магчыма аспрэчыць. Толькі трывалыя адносіны, любоў, паразуменне і пагава, якімі напітваецца чалавек ва ўтульнай сямейнай атмасферы, дазваляюць задавольваць прагу камунікацыі, выбудоўвання трывалых сацыяльных сувязей, а значыць, робяць яго асобай.

Гэтыя пяць асоб кожнае імгненне адчуваюць сябе адзіным цэлым – сапраўднай згуртаванай камандай. Магчыма, такое адчуванне і паспрыяла таму, што ў вельмі складаным спаборніцтве, дзе ўсё залежыць ад суб’ектыўнай ацэнкі людзей, надзеленых правам рэферы, ім удалося ўвайсці ў тройку самых цікавых сямейных калектываў, якія нядаўна спрачаліся за перамогу ў Валожыне на адборачным этапе конкурсу, а 14 мая прадставяць наш раён на абласным туры.

Ведаюць муж і жонка Пратасевічы адзін аднаго са школы, аднак гэта не азначае, быццам разам вучыліся. Малады педагог Мікалай Раманавіч наўрад ці звярнуў увагу на… 4-класніцу Вольгу, а тая, безумоўна, успрымала яго проста настаўнікам. Сапраўднае ж іх знаёмства адбылося значна пазней. Дзяўчына ўжо працавала ў Пяршайскай бібліятэцы, дзе, як і большасць мясцовай інтэлігенцыі, атрымала запрашэнне паўдзельнічаць у адной з пастановак Пяршайкага народнага тэатра. Мікалай ужо шмат гадоў быў актывістам самадзейнай трупы. Атмасфера творчасці настолькі ахапіла артыстаў-энтузіястаў падчас працы над спектаклем “Сабака з залатым зубам”, што ніхто з іх і не заўважыў, як між двума выканаўцамі праскочыла іскра кахання. Прэм’ерны паказ той пастаноўкі смела можна лічыць пунктам адліку стварэння іх сям’і.

Вольга – прыгожая, энергічная, сучасная жанчына. Светлы і вельмі добры чалавек. Яна скончыла гістарычны факультэт БДУ. Працуе кіраўніком гуртка дэкаратыўна-прыкладнога мастацтва ў ТЦСАН. З-пад яе рук выходзяць неверагодна прыгожыя рэчы – сапраўдныя творы мастацтва. Да таго ж, яна ўмее заахвоціць да гэтай карпатлівай работы іншых. Таму выхаванцы дзённага аддзялення для інвалідаў з задавальненнем наведваюць яе заняткі.

Мікалай (на 12 гадоў старэйшы за жонку) – сур’ёзны, удумлівы, глыбокі, сапраўдны інтэлектуал і, разам з тым, гаспадар з “залатымі рукамі”. Ён – выпускнік педуніверсітэта імя М. Танка па спецыяльнасці “Сацыяльная педагогіка, музычнае мастацтва”. Пяршайская школа стала для яго не проста месцам працы, а магчымасцю рэалізаваць усе свае здольнасці  музыканта і музычнага кіраўніка. Здаецца, творчы чалавек можа навучыць спяваць кожнага. Нават жонку, якая сцвярджае, быццам гэтым талентам прырода яе не надзяліла. Аднак тыя, хто бачыў Вольгу на сцэне, наўрад ці ў такое павераць. Яна ж кажа: за поспехам – педагагічны талент мужа.

Дарэчы, у гэтай сям’і «неспяваючых» няма. Падчас конкурсу Софія літаральна пакарыла прысутных выкананнем песні з рэпертуару Эдзіт Піаф. Яе прыгожы вакал гучаў упэўнена яшчэ і таму, што мова, на якой спявала, для яе добра зразумелая. Юная гімназістка – удзельніца і дыпламант алімпіяднага руху менавіта па французскай мове. Гэты факт сведчыць і пра моц яе характару, і пра здольнасці, і пра матывацыю, і пра цудоўныя адносіны з педагогамі.

Здольны да творчасці і 7-класнік Юрый. Ад бацькі пераняў мноства навыкаў. З асаблівым задавальненнем працуе з дрэвам – то штосьці выпільвае, то выразае…

Станіслаў – прызнаны артыст, да таго ж псіхолаг, які ўмее вырашыць станоўча любое пытанне.

Усе дзеці спяваюць, малююць, добра вучацца і, што самае цікавае, захапляюцца кулінарыяй. Як сцвярджае матуля Вольга, у сям’і адсутнічае падзел абавязкаў. Умеюць усё, і работа выконваецца па меры яе ўзнікнення кожным, хто ў дадзены момант можа ёй заняцца. Бытавыя пытанні, так бы мовіць, вырашаюцца на сумленні, сапраўдным даверы і  вялікай узаемнай любові.

Канешне, характары ў любой з асоб, што складаюць гэту ячэйку грамадства, розныя. Але павага, якая пануе між старэйшымі Пратасевічамі, перадалася і малодшаму пакаленню сям’і, стала яе падмуркам. 14 мая прыгожыя, таленавітыя людзі будуць абараняюць гонар нашай Валожыншчыны на чарговым конкурсным этапе. Пажадаем ім поспеху, а пасля заслужанага адпачынку. Паважаныя Пратасевічы, у любым выпадку для нас вы – лепшыя! Ганарымся вамі.

Валянціна КРАЎНЕВІЧ

http://psl.by/?p=64246

Утром 3 мая 2022 в службу спасения поступило сообщение о пожаре в квартире в г. Жлобин.

Прибывшие на место спасатели установили, что в квартире на седьмом этаже сильное задымление, открытого горения не наблюдалось. Хозяин квартиры 1980 г.р., проживает совместно с супругой 1995 г.р. и 3 детьми. Со слов соседей семья характеризуется положительно.

В результате пожара повреждено имущество в комнате (диван и постельные принадлежности), закопчены стены и имущество внутри квартиры.

Спасателями за кроватью на полу в детской комнате был обнаружен девятилетний мальчик. Ребенка вынесли на улицу и передали медикам.

К сожалению, 4 мая в учреждении здравоохранения от ожогов и отравления продуктами горения мальчик умер.

Причина пожара устанавливается. Рассматриваемая версия причины пожара – детская шалость с огнём.

Уважаемые родители, если вы хотите, чтобы ваши дети были в безопасности, не ссылайтесь на отсутствие времени и занятость. Начните с себя, с ответственности за своего ребенка, с того, каким примером вы для него являетесь. Ни при каких обстоятельствах не оставляйте детей без присмотра, особенно дошкольного и младшего школьного возраста. Постарайтесь предусмотреть, предупредить опасность, вовремя протянуть руку помощи. Помните, что когда-нибудь ваш ребенок последует не вашим советам, а вашим поступкам, поэтому соблюдайте правила безопасности и учите этому своих детей.

Халатное отношение владельцев квартир к простым правилам пожарной безопасности - результат того, что с ними случается беда. Несмотря на постоянные предупреждения спасателей, наши граждане продолжают нарушать правила пожар­ной безопасности и оставлять пищу на плите практически каждый день.

При этом обычно, среди забывчивых людей, которые устроили пожар на кухне, есть и вполне благополучные граждане, и люди, имеющие стойкую алкогольную зависимость. Достаточно часто бывает, что придя с рабочей смены, человек ставит на плиту пищу и за то время, пока она разогревается, засыпает в другой комнате. Еще одной категорией забывчивых граждан, у которых горит на плите пища, являются пожилые любительницы сериалов. Они так увлекаются телевизионными страстями, что соседям приходится вызывать спасателей в квартиру, из окна которой валит черный дым.

Наш район, к сожалею, не исключение. 7 и 9 мая Воложинским спасателям поступили сообщения о загорании в общежитиях города Воложина. В обоих случаях причиной стала оставленная пища на плите. К счастью, это не привело к дальнейшему распространению горения на строительные конструкции и имущество.

Кухонные плиты в жизни современного человека являются неотъемлемой составляющей, но для того, что бы они не стали причиной пожара необходимо соблюдать элементарные правила безопасности:

- не покидайте кухню, не оставляйте готовящуюся пищу без присмотра;

- не держите рядом с плитой полотенца, прихватки и другие воспламеняющиеся предметы;

- не оставляйте в разогретой сковороде сгораемые ложки;

- наполняйте сковороду маслом не более чем на треть. Масло – горючая жидкость, способная к самовоспламенению при температуре выше 350 градусов; 

- не кладите на сковороду мокрые продукты, перед жаркой протрите их полотенцем – это предотвратит разбрызгивание масла;

- держите электрические кабели подальше от плиты;

- не разрешайте детям пользоваться газовыми плитами;

- Ваша одежда должна иметь короткие или плотно облегающие рукава. Длинные и свободные рукава могут легко загореться или зацепиться за ручку кастрюли. Не рекомендуется  в использовании одежда из синтетической ткани.

Чтобы минимизировать последствия забывчивости, советую установить автономные пожарные извещатели в каждую жилую комнату. Это позволит вовремя обнаружить возгорание. И помните - Ваша бдительность - залог вашей безопасности! При пожаре или другой чрезвычайной ситуации звоните по телефону 101 или 112.

На Валожыншчыне рашэннем райвыканкама абсталяваны пяць зон адпачынку – “Пагарэлка”, “Жоўты Бераг”, “Сакаўшчына”, “Выганічанка”, “Гардынава”. За ўтрыманне іх у парадку адказваюць лясгас (“Жоўты бераг” і “Пагарэлка”), жылкамунгас (“Сакаўшчына” і “Гардынава”), ІП Зінчанка (“Выганічанка”).

Штогод у пачатку сезона спецыялісты РЦГіЭ выязджаюць у зоны адпачынку  з мэтай абследавання на прадмет выканання санітарных патрабаванняў да іх абсталявання. Правяраецца наяўнасць агароджаў кантэйнерных пляцовак, кабінак для пераапранання, масткоў на мелкаводдзі для ўваходу ў ваду. Звяртаюць спецыялісты ўвагу і на арганізацыю выдалення прыбярэжнай расліннасці, аднаўлення пяску на пляжы, рамонт альтанак, лавак, ценявых навесаў, стан стэндаў і буёў з надпісам “Небяспечна!” і інш.

На момант праверкі многія з неабходных работ у зонах адпачынку былі выкананы. Большая колькасць заўваг тычылася ІП Зінчанка, аднак добраўпарадкаванне вядзецца. На выпраўленне парушэнняў адказным адведзены тыдзень. У кожнай з зон узяты пробы вады на мікрабіялагічныя і паразіталагічныя даследаванні.  З усімі адказнымі заключаны дагаворы на правядзенне акарыцыднай апрацоўкі (ад кляшчоў). На працягу сезона на асаблівым кантролі будзе вываз смецця.

Валянціна КРАЎНЕВІЧ

http://psl.by/?p=64279

У Валожыне на базе інфармацыйна-рэкрэацыйнага цэнтра пры ТЦСАН у рамках праекта “Развіццё экалагічнага турызму для садзейнічання зялёнаму пераходу да інклюзіўнага і ўстойлівага росту” прайшоў 2-дзённы семінар-трэнінг па стварэнні экатурыстычных кластараў і турпрадуктаў на іх аснове.

Мэта праекта ПРААН, які рэалізуецца Міністэрствам прыродных рэсурсаў і аховы навакольнага асяроддзя Рэспублікі Беларусь пры фінансавай падтрымцы Расійскай Федэрацыі, – садзейнічанне развіццю экатурызму на ахоўных тэрыторыях, умацаванне трансгранічнага супрацоўніцтва. Сёння ў фокусе праекта чатыры беларускія заказнікі – “Асвейскі”, “Чырвоны бор”, “Азёры” і “Налібоцкі”. У семінары прынялі ўдзел дзве дэлегацыі – Валожынская і Гродзенская. У складзе кожнай – навукоўцы, кіраўнікі заказнікаў, гаспадары аграсядзіб, супрацоўнікі музеяў, фізкультурна-аздараўленчых комплексаў і іншых структур, якія прадастаўляюць турыстычныя і асветніцкія паслугі.

З мэтай стварэння экатурыстычнага кластара вакол ДПУ “Рэспубліканскі ландшафтны заказнік “Налібоцкі”, абмеркаванні мадэлі будучага супрацоўніцтва былі запрошаны выконваючы абавязкі дырэктара прыродаахоўнай установы Сяргей Тумель, начальнік геастанцыі БДУ “Заходняя Бярэзіна” Сяргей Глінскі, інструктар па турызме фізкультурна-аздараўленчага цэнтра Хрысціна Сіліна, гаспадары аграсядзіб Анатолій Ганец (“Ганка”), Ларыса Мытнік (“Раўнавага”), Васіль Шакун (“Налібоцкія васількі”), Марыя Галабурда (“Elagma”), Дзмітрый Наканечны (“За масточкам”).

У пачатку сустрэчы ўдзельнікаў семінара вітала тематычны каардынатар праекта Ганна Паравая. Затым дырэктар тэрытарыяльнага цэнтра сацыяльнага абслугоўвання насельніцтва Галіна Рай рассказала пра ўстанову, якая стала пляцоўкай для правядзення семінара,  а таксама пра рэалізацыю праекта “Валожын без бар’ераў” на тэрыторыі раёна. Пад кіраўніцтвам дацэнта факультэта міжнародных адносін БДУ, кіраўніка экспертнай группы праекта  Валерыі Кліцуновай і прафесійнага трэнера ў галіне сельскага турызму, кансультанта  праекта Дар’і Пукас прысутныя склалі дзве карты патэнцыяльных удзельнікаў кластараў “Азёры” і “Налібоцкі”.

Згодна з праграмай семінара-трэнінга яго ўдзельнікам прадставілі прэзентацыю “Уражанне як самастойны турпрадукт”. Прысутныя ў групах працавалі над  SWOT-аналізам кожнай тэрыторыі, прэзентавалі вынік работы, абменьваліся ідэямі, абмяркоўвалі іх і стваралі планы будучага супрацоўніцтва ў рамках кластараў.

http://psl.by/?p=64262