Валожынскі раённы
выканаўчы камітэт

Установы аховы здароўя Беларусі атрымалі 12 аўтамабіляў хуткай медыцынскай дапамогі, перадае карэспандэнт БЕЛТА.

Паважаныя навучэнцы, законныя прадстаўнікі!

Упраўленнем па працы, занятасці і сацыяльнай абароне Валожынскага райвыканкама сумесна з упраўленнем адукацыі, спорту і турызму Валожынскага райвыканкама ў 2023 годзе арганізуецца часовая працоўная занятасць для навучэнцаў устаноў адукацыі раёна ў канікулярны перыяд.

Асноўнымі відамі работ вучнёўскіх брыгад з'яўляюцца афарбоўка бетонных платоў, цокаля, рамонт школьнай мэблі, пашыў камплектаў пасцельнай бялізны. Гэта выдатная магчымасць правесці вольны час з карысцю, паспрабаваць сябе ў розных відах працоўнай дзейнасці, атрымаць сваю першую заработную плату і працоўную кніжку.

Інфармацыю аб арганізацыі часовай працоўнай занятасці можна атрымаць ва ўстанове адукацыі па месцы вучобы, а таксама аддзеле занятасці ўпраўлення па працы, занятасці і сацыяльнай абароне Валожынскага райвыканкама (г. Валожын, пл. Свабоды, 2, каб. 211, т. 55-233)

school1.volozhin-edu.gov.by

У рамках акцыі 15 лютага 2023 года з 10.00 да 12.00 натарыусы Мінскай абласной натарыяльнай акругі правядуць прамыя тэлефонныя лініі па бясплатным кансультаванні воінаў-інтэрнацыяналістаў і членаў сем'яў загінуўшых воінаў-інтэрнацыяналістаў па пытаннях, звязаных са здзяйсненнем натарыяльных дзеянняў, у тым ліку што тычацца афармлення спадчынных правоў, складання завяшчанняў, афармлення даверанасцяў і дагавораў дарэння.

Тэлефоны натарыяльных кантор і натарыяльных бюро можна ўдакладніць на сайце Беларускай натарыяльнай палаты belnotary.by, у раздзеле «Знайсці натарыуса».

valozhin.by

8 лютага ў рамках акцыі «Сябруем з Законам», адбылася гутарка-віктарына «Я і Закон», накіраваная на прафілактыку правапарушэнняў і згубных звычак у маладзёжным асяроддзі з навучэнцамі ДУА «Сакаўшчынская сярэдняя школа імя У.А. Каваленкі». Таксама хлопцам былі ўручаны маладзёжныя квіткі.

07.02.2023 у рамках акцыі "Сябруем з Законам!" у 2 класе прайшло завочнае падарожжа "Краіна парадку", у 11 класе - час эрудытаў "Падлетак і Закон".

А навучэнцы 8, 10 класаў сабраліся 09.02.2023 за круглым сталом "Закон і адказнасць".

jarshevichi.volozhin-edu.gov.by

У Пяршайскай сярэдняй школе Валожынскага раёна прайшоў урачысты піянерскі збор, прысвечаны Дню памяці юнага героя-антыфашыста. Члены піянерскай дружыны імя Ядзі Трацеўскай распавялі сваім малодшым сябрам пра подзвіг першай піянеркі Пяршайшчыны. Хлопцы ўшанавалі памяць юных абаронцаў Айчыны.

pershai.volozhin-edu.gov.by

Традыцыйна ў нашай школе штогод праводзяць мерапрыемства, прысвечанае Дню юнага героя-антыфашыста. 8 лютага вучні 9-га класа падрыхтавалі і правялі агульнашкольную інфармацыйную гадзіну. У гэты памятны дзень дзеці ўспамінаюць савецкіх хлапчукоў і дзяўчынак, якія плячом да пляча з дарослымі адстойвалі свабоду нашай Радзімы ў гады Вялікай Айчыннай. Марат Казей, Зіна Партнова, Валодзя Шчарбацэвіч, Валя Зенкiна і многія іншыя адважныя юныя героі аддалі свае жыцці за нашу сучаснасць і будучыню.

pugachi.volozhin-edu.gov.by

9 лютага ў рамках акцыі "Сябруем з законам" у Дорскай сярэдняй школе адбылася сустрэча навучэнцаў і педагогаў з начальнікам крымінальнай міліцыі Валожынскага РАУС Сасноўскім Канстанцінам Уладзіміравічам. У рамках сустрэчы разглядаліся розныя пытанні прафілактыкі кіберзлачыннасці і злачынстваў, звязаных з незаконным абаротам наркатычных сродкаў. Навучэнцы і педагогі атрымалі вычарпальныя адказы на ўсе ўзнікшыя пытанні.

dory.volozhin-edu.gov.by

8 лютага, у Дзень юнага героя-антыфашыста, навучэнцы 8-11 класаў прынялі ўдзел у абласной акцыі «Мой ліст салдату». Хлопцы выказвалі ў сваіх лістах падзяку за службу і абарону Рэспублікі Беларусь, жадалі лёгкай службы, а таксама віншавалі з надыходзячым святам – Днём абаронцаў Айчыны.

dory.volozhin-edu.gov.by

У рамках міжведамаснай акцыі «Сябруем з законам» у ДУА «Гарадзькоўская сярэдняя школа» распаўсюджваліся ўлёткі пра шкоду курэння, курыльных сумесяў, наркаманіі і алкагалізму сярод падлеткаў «Не зламай свой лёс» сярод навучэнцаў 7-11 класаў

gorodki.volozhin-edu.gov.by