Валожынскі раённы
выканаўчы камітэт

9 февраля в Боровлянской средней школе № 3 прошел областной этап республиканского конкурса "Школа безопасности - 2023".

Более 70 школьников со всей Минской области боролись за право стать лучшими знатоками безопасности в трех возрастных категориях: учащиеся 1–4, 5–8 и 9–11 классов – победители районных этапов конкурса.

Знания ребят проверяли с помощью тестирования. Тестовые задания содержали вопросы по основам безопасности жизнедеятельности, по правилам оказания первой медицинской помощи, истории создания пожарной службы, деятельности Белоруской молодёжной общественной организации спасателей-пожарных. Задача каждого участника – ответить на 100 вопросов за 60 минут, но чем быстрее, тем лучше. Ведь при равном количестве баллов преимущество имел тот, кто справился быстрее.

Представители нашего района показали отличные результаты.

В младшей возрастной категории Корсакова Анна из средней школы №1 г.Воложина заняла третье место, ответив правильно на 94 вопроса за 12 минут.

Аператар машыннага даення кароў Ніна КОХАН працуе на малочнатаварным комплексе “Даўбені” сельгасупраўлення “Бабровічы” другі год, тым не менш паказвае самыя высокія вынікі работы. Так, за мінулы год яна надаіла на адну карову 7577 кілаграмаў малака.

– Нарадзілася ў вёсцы Дзяляцічы, што ў Гродзенскай вобласці, – расказвае Ніна Міхайлаўна. – Ні ў якай іншай прафесіі сябе не ўяўляла. Таму і пайшла працаваць у свой родны калгас даяркай. Гэта быў 1986 год. Вы нават уявіць сабе не можаце, як я люблю сваю работу – усю душу ў яе ўкладаю. Іду на ферму з харошым настроем, бо там мяне чакаюць рагулі, а з работы – з пачуццём задавальнення, бо ўсё, што ад мяне залежыць, зрабіла. Да даручанай справы я заўсёды адносілася адказна, вынікі мела добрыя, пастаянна хадзіла ў перадавіках. 25 гадоў адрабіла ў калгасе “Маяк-Заполле”. Там у нас была ферма з прывязным утрыманнем кароў, на абслугоўванні знаходзіліся 50 кароў. Кожную рагульку ведала па мянушцы, размаўляла з імі – а яны ой як любяць ласкавае слова: і парыкаюць у адказ, і паліжуць.

Так склаліся жыццёвыя абставіны, што давялося змяніць месцажыхарства. Безумоўна ж, у “Бабровічах” зусім іншыя ўмовы працы: сучасны комплекс з найноўшым абсталяваннем, паўсюдна акуратненька, чысценька, мы стараемся падтрымліваць гэты парадак. Дойны статак намнога большы: у дзвюх з напарніцай абслугоўваем 500 кароў. Працуем пазменна, ёсць выхадныя. Кіраўніцтва гаспадаркі дало двухпакаёвую кватэру. У нас цудоўная загадчыца Раіса Іванаўна Навіцкая, добра ставіцца дырэктар Юрый Генрыхавіч. Дарэчы, вельмі ўдзячна яму, што ўзяў мяне на работу – у сваю чаргу, стараюся апраўдаць аказаны давер. Думала, што толькі годзік пабуду, а насамрэч затрымалася: мне тут падабаецца, калектыў дружны – усе стараюцца на агульны вынік.
Сама я ўжо на пенсіі, маю 4 дзяцей, 6 унукаў. Але з работай развітвацца не збіраюся – менавіта ў ёй, у гэтых штодзённых клопатах і турботах, якія прыносяць мне сапраўднае задавальненне, і бачу сэнс свайго жыцця.

valozhin.by

Старшыня савета Валожынскай раённай ветэранскай арганізацыі Таццяна ЦІГАНІНА вызначана лепшай сярод работнікаў арганізацыі, якая праявіла сябе ў грамадскай дзейнасці, сярод прадстаўнікоў тэрытарыяльнага грамадскага кіравання.

– Галоўная мэта нашай арганізацыі – тварыць дабро і рабіць усё, каб быў не забыты ніводзін чалавек, які стваральнай працай мацаваў дабрабыт нашай любай Валожыншчыны, – адзначыла Таццяна Фёдараўна.

Усе ўзгадваем дзядуляў, бабуль, шчаслівае дзяцінства і любімую вёску. Менавіта там цяпер засталіся людзі, часам адзінокія, якія так маюць патрэбу ў нашай падтрымцы. Робім мы ўсё дарма: ад душы, ад сэрца, на ўласным энтузіязме, ініцыятыве, вынаходлівасці. Часам не шкадуем сваіх сродкаў, а ўзамен атрымліваем сардэчную цеплыню і шчырую падзяку бездапаможных вачэй састарэлых, інвалідаў, афганцаў.

Надараецца і такое, калі няма каму сказаць словы ўдзячнасці – гэта магілы расстраляных у гады Вялікай Айчыннай вайны. І многія члены нашай арганізацыі ўзялі на сябе такую місію – даглядаць за месцамі апошняга спачыну мужных змагароў за мір. Галоўнае – прывучаць сваіх дзяцей, унукаў у дні памяці абавязкова прыносіць сюды кветкі, расказваць ім пра страшныя падзеі той вайны.
Кажуць, хто не памятае мінулага, у таго няма будучыні. Таму клопат пра ўдзельнікаў Вялікай Айчыннай вайны, вязняў канцлагераў, дзяцей і інвалідаў вайны – наш асноўны абавязак. Ім ужо нічога не патрэбна – ні золата, ні брыльянтаў, а даражэй за ўсё – добрае слова. Мы чуем гэта падчас зносін з імі.

Вялікай павагай і пашанай карыстаюцца ветэраны працы, узнагароджаныя за працоўныя перамогі дзяржаўнымі ордэнамі і медалямі. І вельмі радуе, што некаторыя з іх, знаходзячыся на заслужаным адпачынку, яшчэ дапамагаюць роднай гаспадарцы.

Ключавой задачай ветэранскай арганізацыі з’яўляецца патрыятычнае выхаванне чалавека з цвёрдай сацыяльнай пазіцыяй, сапраўднага грамадзяніна Рэспублікі Беларусь. Патрыятызм як грамадскі набытак асобы характарызуецца гонарам і адданасцю сваёй Радзіме, павагай да гісторыі. Ветэраны заўсёды з’яўляюцца ў гэтым прыкладам – шчыра любяць нашу краіну, ганарацца яе дасягненнямі і жадаюць жыць у міры і згодзе. Нам хочацца ўсяляць упэўненасць моладзі, што ў іх ёсць свой дом, свая краіна, і ў любой сітуацыі трэба стаяць за яе гарой, таму што гэта зямля продкаў – цудоўная, чыстая, незалежная.

Дзеці з’яўляюцца нашым сэрцам, шчасцем і радасцю. Ветэраны заўсёды стараюцца прымаць актыўны ўдзел ва ўсіх мерапрыемствах, вучыць іх дабрыні, разуменню, пачуццю спагады і міласэрнасці.

У нашай рабоце таксама вельмі важна ўзаемасупрацоўніцтва з сельвыканкамамі, ваенкаматам, БРСМ, саюзам афіцэраў, прафсаюзамі, Чырвоным Крыжам, тэрытарыяльным цэнтрам сацыяльнага абслугоўвання, школамі, касцёламі і цэрквамі. Мы разам павінны несці дабро.

valozhin.by

Лепшай арганізацыяй сельскай гаспадаркі прызнана сельгасупраўленне “Бабровічы” ВРУП “Мінскаблгаз”, якім кіруе Юрый БЯЛЯЎСКІ.

Сакрэтамі поспеху падзяліўся дырэктар:

– Кадры, людзі– усё залежыць ад іх, – расказаў Юрый Генрыхавіч, – ад іх мэтанакіраванасці і жадання працаваць. На жаль, на нашым сельгаспрадпрыемстве назіраецца вялікая ратацыя работнікаў, але стараемся падбіраць лепшых. Чым можна зацікавіць сёння моладзь ехаць на вёску: жыллём і заробкам. Заработная плата ў нас, лічу, высокая: у сярэднім 1 тысяча 780 рублёў. Умовы працы таксама добрыя – ніхто ўжо не падкідвае корм жывёле вілкамі, усё робіцца механізавана, з дапамогай сучаснай міні-тэхнікі.

Пачалі будаўніцтва новага трохпавярховага 24-кватэрнага дома. Будуемся дзякуючы падтрымцы “Мінскаблгаза” – спадзяюся, што сёлета да восені здадзімновабудоўлю ў эксплуатацыю. Гэта жыллё для спецыялістаў, бо будзе ўводзіцца новы комплекс – цэх раздою ў Саланой, дзе будзе ўтрымлівацца 500 галоў. Сюды патрэбны яшчэ 20 работнікаў.

Увогуле, дойны статак у нас складае 1300 кароў, агульнае пагалоўе буйной рагатай жывёлы – 4700. За мінулы год надаілі на карову 7430 кілаграмаў, ці 102 працэнты да ўзроўню 2021 года. Таварнасць малака склала 92,3 працэнта – на 1,4 пункта больш. Рэаліазавана малака 9505 тон, што складае 102 працэнты.Сортам “экстра” прададзена 95 працэнтаў малака.

Валавыя прывагі за 2022 год склалі 891 тону, ці 93 працэнты. Гэты паказчык крыху не дацягнулі: ферму “Паморшчына” закрылі ў сувязі з санітарнай зонай, утварылася скучанасць жывёлы і адсюль меншыя прывагі. Таму перайгралі сітуацыю: маленькіх 2-месячных бычкоў прадаём, каб не загружаць жывёлу ў сябе. Асноўную стаўку робім на цялушачак, бо іх можна выгадаваць, пакрыць, атрымаць цялё і ў далейшым малако, ці прадаць як першацёлку і таксама атрымаць нядрэнныя грошы. Дарэчы, летась мы прадалі 130 цялушак, сёлета ўжо паставілі на каранцін 30 і яшчэ столькі ж плануем у бліжэйшы час. Гэта цялушкі, якія будуць цяліцца праз месяц. Жадаючых іх купіць вельмі многа – пакуль рэалізуем толькі на тэрыторыі Мінскай вобласці.

У планах – увайсці ў племядро па абердзіна-ангускай парозе жывёлы, што дасць магчымасць прадаваць яе даражэй. Летась 15 бычкоў набыло само племпрадпрыемства на ўзнаўленне ў сябе, таксама партыю прадалі на мясакамбінат у “Александрова”.

Безумоўна, у сельскай гаспадарцы рабіць складана. Я сам з дзяцінства вырас на ферме – там працавалі мае бацькі, таму не на словах ведаю сялянскія клопаты. Работа на зямлі заўсёды была “з салёным потам”: яна, карміцелька наша, любіць мазолістыя рукі, увагу і клопат да сябе. Толькі тады і аддзячвае. Такая ўжо наша нялёгкая, але пачэсная справа – карміць краіну!

Па выніках 2022 года вытворчасць малака ў гаспадарцы склала 10295,1 тоны (101,2 працэнта), на адну карову атрымана 7430 кілаграмаў малака (+160 кілаграмаў), ураджайнасць зерневых культур дасягнула 61,1 цэнтнера з гектара (+15,9).

На абслугоўванні ў тэхніка-асемянатара сельгаспрадпрыемства “Пяршаі-2014” Юрыя РАВЯКІ знаходзяцца 730 галоў дойнага статка, якія размешчаны на малочнатаварных фермах “Бурбаўшчына” і “Мішаны”. Эфектыўнасць асемянення кароў за мінулы год склала 96 працэнтаў. Ён названы лепшым па прафесіі ў раёне.

Ад старання, пільнасці, уважлівасці, нават далікатнасці асемянатара залежыць прадукцыйнасць малочнага статка. Юрый Тадэвушавіч гэта ведае не на словах – яго маці ўсё жыццё адпрацавала даяркай у Бурбаўшчыне. Сам калісьці пачынаў пастухом на гэтай ферме, пасля быў жывёлаводам, а з 2018 года асвоіў прафесію тэхніка-асемянатара. Не раз займаў прызавыя месцы.

Прафесія прэстыжная і цікавая, і, безумоўна, прызнанне лепшым цешыць душу. Але ж адказнасць якая кладзецца?! Я – вясковы чалавек, люблю зямлю і скаціну. А карова – разумная істота: глядзіць у вочы, а сказаць нічога не можа, – кажа старанны працаўнік. – Яна рэагуе на любы павышаны голас, на новага чалавека, які зайшоў на ферму. Пасля гэта ўсё адлюстроўваецца на яе ўнутраным стане і нават на тым, пакрыецца яна ці не. А наша справа вельмі тонкая і далікатная. Для асемянатара няма лепшай адзнакі працы, калі пры даследаванні пацвярджаецца, што карова цельная, яна прынясе прыплод. Паверце, гэта вельмі прыемна, бо ты на работу хадзіў недарэмна.

valozhin.by

Сярод арганізацый прамысловасці на раённую Дошку гонару занесены Валожынскі лясгас, які ўзначальвае Уладзімір БАЦЯН.

Сакрэтамі поспеху дзеліцца кіраўнік:

– Па вытворчасці ўсіх важнейшых відаў прадукцыі мы спрацавалі летась з плюсам, – гаворыць Уладзімір Уладзіміравіч. – Нарыхтавана драўніны 175 тысяч кубічных метраў (102,9 працэнта), вывезена – 148,5 тысячы кубічных метраў (102,5 працэнта), выраблена піламатэрыялаў 13,4 тысячы кубічных метраў (103,1 працэнта), шчапы – 5,6 тысячы.

Галоўная справа ўсіх, хто звязаў сваё жыццё з лясной гаспадаркай, – зберагчы і разумна выкарыстаць прыродны дар. І мне прыемна, што нашы работнікі дастойна спраўляюцца з гэтай місіяй. За апошнія гады значна скарацілася колькасць лясных пажараў. Таксама нам удалося атрымаць перамогу над галоўным ворагам – караедам. Паляпшаецца стан лясоў, павялічваецца іх плошча, вырастаюць новыя насаджэнні.

Сёння перад лясгасам стаіць нямала задач: гэта і павышэнне эфектыўнасці работы, і тэхнічнае перааснашчэнне, і, безумоўна, сацыяльная абарона працуючых людзей, захаванне ўзроўню заработнай платы. Вырашыць іх – значыць палепшыць якасць лесааднаўлення, адкрываць новыя рынкі для лесапрадукцыі ў складаны час санкцый. Павышаць дабрабыт работнікаў і ўмацоў-
ваць прэстыж прафесіі – павялічыць прыток моладзі ў нялёгкую работу лесавода. Усё гэта няпроста, але ўпэўнены, што прафесіяналізм, адданасць любімай справе дазволяць нам і надалей працаваць стабільна і з прыбыткам.

valozhin.by

Вадзіцель аўтамабіля па вывазцы лесу Валожынскага лясгаса Віктар МЫШЛЁН названы лепшым работнікам лясной гаспадаркі.

1 красавіка споўніцца 40 гадоў, як Віктар Аляксандравіч упершыню сеў за руль велікагрузнага лесавоза, а ўвогуле яго працоўны стаж у арганізацыі складае 43 гады. Пайшоў па бацькавых сцежках – у свой час ён таксама вывозіў лес на “Урале”.

Працавіты, дысцыплінаваны, ініцыятыўны, адказны – менавіта гэтыя якасці вылучаюць яго ў працоўным калектыве. Як прафесіянал сваёй справы Віктар Мышлён адзначаны нагрудным знакам “За работу без аварый II ступені”. У скарбонцы высокай адзнакі працы – Ганаровая грамата Міністэрства лясной гаспадаркі, абласнога лесагаспадарчага аб’яднання, неаднаразовыя ўзнагароджванні ад кіраўніцтва лясгаса.

За гады работы вопытны вадзіцель змяніў чатыры машыны, але, нягледзячы на тое, што працуе з напарнікам, стан аўтамабіля заўсёды ідэальны. Для пачынаючых вадзіцеляў Віктар Аляксандравіч – вопытны настаўнік і добры дарадца, для калег – харошы таварыш, а для кіраўніцтва – надзейны і добрасумленны работнік. Таму і карыстаецца вялікай павагай.

– Вельмі люблю лес і саму прыроду: там і дыхаецца лягчэй, і працуецца спарней, ды і здаравей сябе адчуваеш, – сцвярджае вадзіцель-ветэран.

valozhin.by

ХХІ стагоддзе - стагоддзе інфармацыі, якое дае вялікія магчымасці ў прыняцці правільнага рашэння. Жывучы ў прававой дзяржаве неабходна выконваць заканадаўства сваёй краіны. Кожны грамадзянін павінен валодаць мінімумам прававых ведаў, які неабходны для прафесійнай дзейнасці, адпаведных паводзінаў у грамадстве, побыце, сям'і.

У сувязі з дзеяннем міжведамаснай прафілактычнай акцыі «Сябруем з законам!» супрацоўнікі цэнтральнай раённай бібліятэкі сумесна з Валожынскім сельскагаспадарчым каледжам правялі мерапрыемства «Прававыя рэсурсы».

У ходзе мерапрыемства супрацоўнікі бібліятэкі расказалі навучэнцам аб прававым цэнтры публічнай інфармацыі (ПЦПІ), які маецца ў бібліятэцы; расказалі аб Канстытуцыі – асноўным законе Рэспублікі Беларусь; аб Нацыянальным цэнтры прававой інфармацыі (НЦПІ), чым займаецца гэты цэнтр, якія паслугі аказвае. Таксама супрацоўнікамі бібліятэкі было расказана аб электронным банку даных «ЭТАЛОН-ONLINE», які дазваляе ажыццявіць пошук нарматыўна прававых актаў. Навучэнцам таксама дэманстраваліся відэаролікі аб пошуку інфармацыі і некаторых функцыях «ЭТАЛОН-ONLINE».

Бібліятэкары распавялі пра самыя вядомыя сайты па прававой інфармацыі ў РБ, якімі з'яўляюцца:  ncpi.gov.by, pravo.by, mir.pravo.by, forumpravo.by.

Мерапрыемства суправаджалася прэзентацыяй.

05.02.2023 года ўдзельнікі танцавальнага калектыву «Апельсін» кіраўнік Крук Ганна Мікалаеўна Ракаўскага цэнтра народнай творчасці ДУК «Валожынскі раённы цэнтр культуры» прынялі ўдзел у Рэспубліканскім шматжанравым фестывалі мастацтваў «Стэп Уп» для пачынаючых выканаўцаў. Калектыў выступіў з эстраднай кампазіцыяй «Джаст Дэнс» і заняў 3-е месца сярод 13 удзельнікаў. Фестываль праходзіў у Доме культуры МАЗ г. Мінск.

Гісторыя Валожыншчыны цесна звязана з жыццём і творчасцю Вінцэнта Іванавіча Дуніна-Марцінкевіча. 4 лютага 2023 года вядомаму драматургу споўнілася 215 гадоў з дня нараджэння. Супрацоўнікі Валожынскага краязнаўчага музея падрыхтавалі і правялі краязнаўчую сустрэчу «Паклон ад удзячных нашчадкаў» для работнікаў раённай цэнтральнай бібліятэкі, прымеркаваную да гэтай падзеі. Інфармацыйны матэрыял быў дапоўнены цікавай і змястоўнай мультымедыйнай прэзентацыяй.

volozhyn.museum.by