Валожынскі раённы
выканаўчы камітэт

7 мая на стадыёне ДУА «Багданаўская сярэдняя школа» прайшоў футбольны турнір памяці Паўла Падрэза загінуўшага ў Рэспубліцы Афганістан. Турнір пачаўся з хвіліны маўчання ў памяць Паўла Падрэза. На адкрыццi турніру прысутнічала Яніна Юльянаўна - маці Паўла Падрэза. Ад старшыні «Валожынскай раённай ветэранскай арганізацыі фізічнай культуры і спорту» Рабцава Мікалая Мікалаевіча быў уручаны памятны сувенір Яніне Юльянаўне. Па выніках футбольнага турніру каманда з горада Валожына заняла 1 месца, каманда з вёскі Вішнева – 2 месца, каманда з гарадскога пасёлка Івянец – 3 месца. Пераможцы і прызёры былі ўзнагароджаны дыпломамі і медалямі. Камандзе пераможцы быў уручаны пераходны кубак і грашовы прыз. Лепшыя гульцы турніру былі ўзнагароджаны памятнымі сувенірамі ад федэрацыі футбола Мінскай вобласці.

10 мая на базе фізкультурна-аздараўленчага комплексу прайшлі фінальныя абласныя спаборніцтвы па баскетболе 3х3 у рамках абласной спартакіяды сярод дзяцей і юнацтва, якія займаюцца ў групах і секцыях фізкультурна-аздараўленчай і спартыўнай накіраванасці па месцы жыхарства (дзяўчаты, юнакі 2008-2009 г. н.)

Юнакi:

1 месца - Вілейскі раён

2 месца - Пухавіцкі раён

3 месца - Уздзенскі раён

Дзяўчыны:

1 месца - Пухавіцкі раён

2 месца - Валожынскі раён

3 месца - горад Жодзіна

Віншуем каманду дзяўчат з Валожынскага раёна!

9 мая, у дзень знамянальнай даты — 78-ай гадавіны Перамогі ў Вялікай Айчыннай вайне – супрацоўнікі Валожынскай цэнтральнай раённай бібліятэкі арганізавалі інтэрактыўную пляцоўку «Ад параду надзеі да параду Перамогі».

Інтэрактыўная пляцоўка ўключала ў сябе кніжную выставу «Перамогі светлы дзень», фотазону, а таксама інтэрактыўную дзіцячую пляцоўку для маленькіх гасцей свята.

У Валожынскім краязнаўчым музеі напярэдадні Дня Перамогі прайшоў урачысты сход па прыёме ў члены БРСМ. Шэрагі Беларускага рэспубліканскага саюза моладзі папоўніліся старшакласнікамі гімназіі №1 г.Валожына. Членскія білеты дзецям уручылі намеснік старшыні Валожынскага райвыканкама I.В. Шакун і ветэран педагагічнай працы А.В. Трацеўская. Словы віншавання навучэнцам адрасавалі дырэктар гімназіі Я.I.Клачко і першы сакратар РА КПБ Н.П. Лоўчая. Пасля ўрачыстай часткі для дзяцей была праведзена экскурсія па экспазіцыі музея па тэме Вялікай Айчыннай вайны.

У Беларусі сёння адзначаюць адно з самых важных свят у гісторыі краіны - Дзень Перамогі. Для жыхароў рэспублікі гэта не толькі святочны дзень, але і дзень памяці, глыбокай павагі і ўдзячнасці савецкім воінам, працаўнікам тылу, партызанам і падпольшчыкам — усім, хто набліжаў перамогу.

9 мая ў Валожыне адбыўся ўрачысты мітынг, прысвечаны Дню Перамогі савецкага народа ў Вялікай Айчыннай вайне. Ускладанне кветак да помніка загінуўшым воінам, тэатралізаваная пастаноўка «Памяць», святочны марш воінаў Валожынскага гарнізона, дзіцячыя атракцыёны, тэматычныя пляцоўкі і салдацкая каша – так адсвяткавалі гэты дзень жыхары Валожынскага раёна.

valozhin.by

9 мая ва ўрачыстай абстаноўцы на тэрыторыі сярэдняй школы № 2 адбылася цырымонія адкрыцця помніка Герою Савецкага Саюза Васілю Васільевічу Шчарбіне.

У мітынгу прынялі ўдзел кіраўніцтва раёна, члены грамадскага аб'яднання «Ветэраны ваеннай разведкі», афіцэры Галоўнага разведвальнага ўпраўлення Генеральнага штаба.

Устаноўка манумента адбылася па ініцыятыве раённага выканаўчага камітэта пры падтрымцы Беларускага грамадскага аб'яднання «Ветэраны ваеннай разведкі».

У сваім выступленні госці адзначылі ўклад Васіля Шчарбіны ў развіццё партызанскага руху на тэрыторыі Мінскай вобласці.

Васіль Васільевіч Шчарбіна (1914—1942) — камандзір разведвальна-дыверсійнага партызанскага атрада, які дзейнічаў на тэрыторыі Віцебскай і Мінскай абласцей, маёр. Герой Савецкага Саюза (1943). Пасля пачатку Вялікай Айчыннай вайны ў складзе групы з чатырох чалавек быў накіраваны за лінію фронту, здолеў арганізаваць групу памочнікаў у раёне Полацка (якія збіралі зброю і боепрыпасы на месцах баявых дзеянняў). У ліпені 1941 года выйшаў у размяшчэнне партызанскага атрада А. П. Брынскага, які знаходзіўся ў вёсцы Гурэц на мяжы Мінскай і Віцебскай абласцей БССР.

Распрацаваў план атакі на раённы цэнтр Халопенічы, у выніку якой нямецка-паліцэйскі гарнізон быў разгромлены. У лютым 1942 гады перайшоў праз лінію фронта да сваіх. У сакавіку 1942 года дэсантаваны ў нямецкі тыл на чале дыверсійна-разведвальнай групы 5 чалавек. Атрад збіраў і перадаваў разведдадзеныя аб суперніку, знішчыў 11 мастоў, 14 эшалонаў, ажыццявіў больш за іншых 20 дыверсій на чыгунцы. 23 верасня 1942 года загінуў у выніку выбуху падчас агляду новых мін.

20 студзеня 1943 года за ўзорнае выкананне баявых заданняў у тыле ворага і асаблівыя заслугі ў развіцці партызанскага руху маёру Шчарбіне Васілю Васільевічу прысвоена званне Героя Савецкага Саюза пасмяротна.

valozhin.by

9 мая ў гонар свята Перамогі на вул. Набярэжная ва ўрачыстай абстаноўцы адкрылі алею памяці.

Новая алея з туй была закладзена па вуліцы Набярэжная ля магілы ахвяр фашызму падчас рэспубліканскага суботніка кіраўніцтвам раёна сумесна з супрацоўнікамі пракуратуры.

На цырымоніі адкрыцця алеі прысутнічалі старшыня райвыканкама Яўген Круковіч, старшыня раённага Савета дэпутатаў Пётр Бібік, пракурор раёна Аляксандр Ляўковіч, прадстаўнікі грамадскіх арганізацый.

Як адзначыў Аляксандр Ляўковіч: «Органамі пракуратуры ўжо на працягу двух гадоў расследуецца ўзбуджаная Генеральным пракурорам Рэспублікі Беларусь крымінальная справа па факце генацыду беларускага народа. Прымаюцца меры па аб'ектыўнаму і пэўнаму ўсталяванню ўсіх абставінаў здзяйснення генацыду ў дачыненні да нашага народа. У прыватнасці вывучаючы падзеі, якія адбыліся ў дадзеным месцы, пракуратурай прааналізаваны архіўныя матэрыялы, у тым ліку і звесткі кнігі «Памяць», прыняты меры па ўсталяванні відавочцаў падзей. У 2014 годзе праведзены раскопкі, дзе былі выяўленыя парэшткі, расстраляных у 1942-43 гадах мірных жыхароў.

Удзельнікі мітынгу ўсклалі кветкі і ўшанавалі памяць загінуўшых хвілінай маўчання.

valozhin.by

Навучэнцы СШ № 1 г.Валожына наведалі экспазіцыю, прысвечаную Дню Перамогі, якая складаецца з раздзелаў «Плакат Перамогі...доўгае рэха вайны» і «Пэндзаль і аловак раскажуць пра вайну». Першая экспазіцыя прадастаўлена ДУ «Мінскі абласны краязнаўчы музей», другая – ДУА «Вішнеўская школа мастацтваў».

9 мая Івянецкая гарпасялковая бібліятэка прыняла ўдзел у гарадскім свяце да Дня Перамогі.  Для наведвальнікаў і гасцей свята бібліятэка арганізавала выставу-кампазіцыю  «Навечна ў сэрцы народа». На ёй можна было пазнаёміцца з навінкамі літаратуры аб Вялікай Айчыннай вайне, пазнаёміцца са здымкамі і біяграфіямі ўдзельнікаў мінулай вайны  з Івянца і ваколіц.

Мемарыяльны комплекс "Курган Славы" па традыцыі стаў галоўнай пляцоўкай святкавання Дня Перамогі ў Мінскай вобласці. Тэматычныя экспазіцыі тут падрыхтавалі 23 раёны вобласці.