Валожынскі раённы
выканаўчы камітэт

Яе мэты — прыцягненне ўвагі да праблем дзіцячага свавольства з агнём і гібелі дзяцей на пажарах, зніжэнне колькасці надзвычайных сітуацый з удзелам дзяцей і забеспячэнне іх агульнай бяспекі.

Мерапрыемствы працягнуцца з 10 мая па 1 чэрвеня і будуць падзелены на два этапы. Апошні завершыцца ў Міжнародны дзень абароны дзяцей, у рамках якога пройдуць маштабныя святы з удзелам ратавальнікаў ва ўсіх кутках краіны.

Паводле тэлеграм-канала

valozhin.by

З надыходам высокіх тэмператур атмасфернага паветра вялікая колькасць грамадзян праводзіць вольны час на водных аб'ектах горада і раёна.

Варта памятаць, што больш бяспечна адпачываць толькі ў спецыяльна адведзеных для купання месцах, з прычыны арганізаванага дзяжурства ратавальнікаў.

Рашэннем Валожынскага раённага выканаўчага камітэта № 478 ад 21 сакавіка 2023 года адведзены наступныя месцы для купання:

- зона адпачынку «Жоўты бераг» у раёне в. Буні;

- зона адпачынку «Сакаўшчына» у а.г. Сакаўшчына;

- зона адпачынку «Валожынскае вадасховішча» ў в. Гардынава;

- зона адпачынку «Пагарэлка» ў раёне в. Пагарэлка;

- зона адпачынку «Выганічы» ў в. Выганічы.

У астатніх месцах купанне забаронена. Забарона выклікана тым, што акваторыі астатніх месцаў з'яўляюцца небяспечнымі. Акрамя гэтага, пачасціліся выпадкі гібелі грамадзян на вадаёмах.

Дзеючым заканадаўствам артыкулам 24.42 Кодэкса аб адміністрацыйных правапарушэннях Рэспублікі Беларусь прадугледжана адказнасць за купанне ў забароненых месцах.

Акрамя гэтага не варта забываць, што берагі рэк і вадаёмаў, з'яўляюцца грамадскім месцам, дзе забаронена распіваць алкагольныя, слабаалкагольныя напоі і піва, адміністрацыйная адказнасць у адпаведнасці з ч. 1 арт. 19.3 Кодэкса аб адміністрацыйных правапарушэннях Рэспублікі Беларусь прадугледжвае пакаранне ў выглядзе штрафу ў памеры да 8 базавых велічынь. Дзеянні, прадугледжаныя ч. 1 арт. 19.3 КоАП Рэспублікі Беларусь, учыненыя паўторна на працягу аднаго года пасля накладання адміністрацыйнага спагнання за такія ж парушэнні цягнуць за сабой накладанне штрафу у памеры ад 2 да 15 базавых велічынь, або грамадскія работы, або адміністрацыйны арышт.

Частка 3 арт. 19.3 КоАП Рэспублікі Беларусь абвяшчае, што з'яўленне ў грамадскім месцы ў стане, выкліканым спажываннем без назначэння ўрача-спецыяліста наркатычных сродкаў або псіхатропных рэчываў або спажываннем іх аналагаў, таксічных або іншых адурманьваючых рэчываў, якія абражаюць чалавечую годнасць і грамадскую маральнасць, цягне накладанне у памеры ад пяці да дзесяці базавых велічынь.

Частка 5 арт. 19.3 КоАП Рэспублікі Беларусь – спажыванне без назначэння ўрача-спецыяліста наркатычных сродкаў або псіхатропных рэчываў у грамадскім месцы або спажыванне іх аналагаў у грамадскім месцы, прыводзяць да накладання штрафу ў памеры ад дзесяці да пятнаццаці базавых велічынь.

Збіраючыся правесці час на прыродзе, неабходна памятаць, што заканадаўствам таксама прадугледжана адказнасць за такія супрацьпраўныя дзеянні, як развядзенне вогнішчаў у забароненых месцах (арт.16.41 КоАП), дробнае хуліганства (арт.19.1 КоАП), а таксама за правапарушэнні супраць бяспекі дарожнага руху.

Будзьце законапаслухмянымі, каб не сапсаваць адпачынак сабе і навакольным. І памятайце, што ўсе меры, якія прымаюцца праваахоўнікамі па забеспячэнні аховы грамадскага парадку ў месцах масавага адпачынку грамадзян, накіраваны на зніжэнне рызыкі няшчасных выпадкаў, учынення ў дачыненні да адпачываючых рознага роду правапарушэнняў і злачынстваў.

Першы намеснік начальніка

Валожынскага РАУС С.В.Латышаў

У час наведвання Івянецкага дома-інтэрната для дзяцей з асаблівасцямі фізічнага развіцця старшыня Мінаблвыканкама Аляксандр Турчын і Мітрапаліт Веніямін азнаёміліся з умовамі, створанымі ў доме-інтэрнаце, а таксама наведалі ў пакоях выхаванцаў. Падчас сустрэчы выхаванцы дома-інтэрната распавялі губернатару пра свае мары і Аляксандр Турчын паабяцаў іх выканаць.

Хлопцы ўжо пасадзілі пладовы сад, пабывалі ў займальнай паездцы ў ружоўнік, якую дапамог ажыццявіць агракамбінат «Ждановічы».

У той жа візіт Аляксандр Турчын адзначыў, што выхаванцам патрэбны акуляры віртуальнай рэальнасці і іншыя прыборы, якія дазваляюць палепшыць іх самаадчуванне і пазнаваць свет.

І вось сёння ўстанове перадалі камплект аўдыёвізуальнай стымуляцыі, які складаецца з акуляраў, навушнікаў і мікрафона, які будзе прымяняцца ў медыцынскім кабінеце для зняцця напружання, зніжэння ўплыву стрэсавых сітуацый, паляпшэння сну і агульнага самаадчування дзяцей. А таксама - акуляры віртуальнай рэальнасці. З іх дапамогай хлопцы змогуць здзяйсняць падарожжы па свеце. Абсталяванне ўручылі начальнік Камітэта па працы, занятасці і сацыяльнай абароне Мінскага аблвыканкама Тамара Красоўская і намеснік старшыні райвыканкама Ігар Шакун.

Ад усіх выхаванцаў і супрацоўнікаў дома-інтэрната яго кіраўнік Алена Петрашкевіч падзякавала гасцям і кіраўніцтву вобласці за ўвагу і дапамогу дзецям.

valozhin.by

У раённым цэнтры культуры адбылася літаратурна-музычная імпрэза “Рэха вайны”, на якой прысутнічалі ўдзельнікі народнага літаратурна-мастацкага аб’яднання “Рунь”, пераможцы конкурсу “Маладыя галасы” і навучэнцы старэйшых класаў школ горада.

Член Саюза пісьменнікаў Беларусі Марыя Антонаўна Шакун дзялілася з моладдзю сваімі дзіцячымі ўспамінамі і ўражаннямі пра ваенную пару.

Паэтка, Надзея Агіевіч, расказала, што яе памяць пра вайну складаецца з успамінаў родных, з ушанавання памяці блізкіх

У Аляксандра Кулака свае ўспаміны пра вайну. Яны сплецены з расповедаў пра франтавыя будні аднаго дзядулі і з працяглых пошукаў звестак пра другога.

 Нечакана, яшчэ адной выступоўцай стала настаўніца сярэдняй школы №2, Наталля Панкратава, якая таксама падзялілася сваім цудоўным вершам, што быў напісаны ў гонар Вялікай Перамогі.

Чыталі свае творы і ўдзельнікі конкурсу “Маладыя галасы”, юныя паэты: Селіверстава Дар’я – навучэнка ДУА “Сярэдняя школа №2 г.Валожына”; Стасяловіч Валерыя, Юроіць Валерыя і Бычкоўская Яна, якія  вучацца ў  ДУА “Сярэдняя школа №1 г.Валожына”

Амаль 300 удзельнікаў з Беларусі і Расіі збярэ ІХ Міжнародны конкурс джазавай і эстраднай музыкі JAZZ-TIME 2023, які пройдзе 11-13 мая ў Салігорску, паведаміла карэспандэнту БЕЛТА прэс-сакратар конкурсу Святлана Пятровіч.

Беларусь і Зімбабвэ падпісалі дарожную карту на 2023-2025 гады ў сферы вышэйшай адукацыі і ўніверсітэцкай навукі. Аб гэтым карэспандэнту БЕЛТА паведамілі ў прэс-службе Міністэрства адукацыі.

У Сугвоздаўскай сельскай бібліятэцы-клубе 06.05.2023 г. прайшла гадзіна памяці «Подзвіг жыве ў нашых сэрцах», прысвечаная 78-й гадавіне Перамогі ў Вялікай Айчыннай вайне. Падчас мерапрыемства ўдзельнікі ўспаміналі тых, хто абараняў Радзіму, хто аддаў сваё жыццё за мір на зямлі. Прысутныя ўскладалі вянкі да помнікаў, размешчаных на тэрыторыі бібліятэкі. Увазе як дарослых, так і дзяцей была прадстаўлена выстава ў фае бібліятэкі «Перамога. Адна для ўсіх»

4-5 мая 2023 года на базе фізкультурна-аздараўленчага комплексу г.Валожына праходзілі абласныя спаборніцтвы па баскетболе сярод юнакоў 2008-2009 г. н. у рамках абласной спартакіяды школьнікаў у 2022/2023 навучальным годзе. У ходзе двух спаборніцкіх і напружаных дзён месцы размеркаваліся наступным чынам:

1 месца - каманда Дзяржынскага раёна;
2 месца - каманда Валожынскага раёна;
3 месца - каманда Барысаўскага раёна;
4 месца - каманда Маладзечанскага раёна;
5 месца - каманда Мінскага раёна.

Віншуем каманду Валожынскага раёна з годным выступленнем на спаборніцтвах і ганаровым 2 месцам!

volozhin-edu.gov.by

Валожынскі краязнаўчы музей прыняў удзел у раённым мерапрыемстве, прысвечаным Дню Вялікай Перамогі. Для гасцей і ўдзельнікаў свята была прадстаўлена музейная экспазіцыя «Дарогамі гісторыі і памяці». Змест выставы пазнаёміў наведвальнікаў з падзеямі Вялікай Айчыннай вайны на тэрыторыі Валожынскага раёна, уваскрэсіў памяць пра герояў-землякоў, якія самааддана змагаліся на перадавой і ў тыле ворага ў гады суровых выпрабаванняў. Экспазіцыя выклікала вялікую цікавасць, як у дарослых жыхароў горада і раёна, так і дзяцей.

З 2 па 5 мая ў горадзе Вілейка праходзілі спаборніцтвы сярод дзяцей і падлеткаў па футболе «Скураны мяч» на прызы Прэзідэнцкага спартыўнага клуба. Каманды хлопчыкаў 2013-2014 г. н. , 2011-2012 г.н., юнакі 2009-2010 г.н. прадстаўлялі ДУ «Фізкультурна-аздараўленчага цэнтра Валожынскага раёна» ў спаборніцтвах. Па выніках спаборніцтваў каманда 2013-2014 г. н. (трэнеры Кавяза А. П., Цаюн А. П.) заняла - 2 месца, 2011-2012 г. н. (трэнеры Кавяза А. П., Цаюн А. П.) - 4 месца, 2009-2010 г. н. (трэнеры Пракаповіч А. В., Булакевіч Д. Ф.) – 2 месца.