Валожынскі раённы
выканаўчы камітэт

31 мая 2023 года ў Івянецкім Доме культуры адбылася Міжнародная сацыяльна-творчая праграма «У будучыню – з надзеяй», якая праходзіць пры падтрымцы Дэпартамента аб ліквідацыі наступстваў катастрофы на Чарнобыльскай АЭС, МНС Рэспублікі беларусь, арганізацыі «Беларускі фонд міру і ГА «БРСМ». Усіх прысутных павітаў кіраўнік спраў Івянецкага пасялковага выканаўчага камітэта А.В. Пінчук. Галоўная мэта праекта - выявіць творчыя здольнасці дзяцей і моладзі, спрыяць іх далейшаму развіццю. Па традыцыі канцэрт адкрывалі самыя таленавітыя хлопцы нашага пасёлка, якія атрымалі дыпломы і падарункі з рук кіраўніка праекта К.I. Копелевай. Прадоўжылася мерапрыемства канцэртам артыстаў беларускай эстрады. Сваю творчасць дарылі Заслужаны калектыў Белдзяржфілармоніі «Купалінка», Улада, Андрэй Дзяргай, Дзмітрый Гайдукоў, Аляксандр Балотнік, Васіль Сушко.

Анлайн-пакупкі эканомяць час, але ў той жа час асноўным недахопам такіх пакупак з'яўляецца неабароненасць пакупніка, чым і карыстаюцца ашуканцы, распавялі ў Следчым камітэце Мінскай вобласці.

Так, у маі 43-гадовая жыхарка Жодзіна ў папулярнай сацыяльнай сетцы Instagram знайшла краму па продажы садовай мэблі пад назвай «rotang.bel». Арэлі для адпачынку, якія ёй спадабаліся, былі са зніжкай па вельмі прывабнай цане. Паглядзеўшы водгукі, яна спісалася ў мэсэнджары з прадаўцом і аплаціла ўвесь кошт тавару з дастаўкай. Аднак праз абяцаных два дні арэлі ніхто не даставіў, а прадавец перастаў выходзіць на сувязь. Жанчына зразумела, што трапілася на фэйкавую інтэрнэт-краму і аддала свае зберажэнні (а гэта больш за 600 рублёў), ашуканцам.

Паддаўся павабнай прапанове прадаўца і 39-гадовы жыхар Салігорска. Днём 25 мая ён з жонкай вырашыў набыць на дачу садовыя арэлі. Мужчына быў падпісчыкам названай інтэрнэт-крамы, але раней у ёй пакупкі не здзяйсняў. Выбраўшы мадэль, спісаўся з прадаўцом, які запэўніў, што пасля поўнай перадаплаты тавару арэлі будуць дастаўлены праз 2 дні. Жыхар Салігорска ажыццявіў безнаяўную аплату, а чэк адправіў прадаўцу. Той адказаў, што прыняў заказ і больш на сувязь не выходзіў. Ашуканы пакупнік звярнуўся ў міліцыю.

Следчыя ўстанавілі, што на выкрут фэйкавай інтэрнэт-крамы трапіліся больш за 30 чалавек. Пасля поўнай перадаплаты тавару ні адзін з пацярпелых не атрымаў абяцаную садовую мэблю. Прадавец проста знікаў.

Па ўсіх фактах распачаты крымінальныя справы за махлярства. Цяпер праваахоўнікам трэба ўсталяваць уладальнікаў інтэрнэт-крамы.

Следчыя Мінскай вобласці звяртаюцца да грамадзян, якія сталі ахвярамі махлярства пры замове тавараў на акаўнце «rotang.bel», паведаміць пра гэта па тэлефоне: +375 29 698 97 39.

Следчы Валожынскага РАСК Лізавета Борыс

valozhin.by

У маі адзіны бясплатны дзень для наведвання музеяў навучэнцамі школ супаў з апошнім навучальным днём 2022-2023 навучальнага года. У гэты дзень наведвальнікамі Валожынскага краязнаўчага музея сталі вучні сярэдняй школы №1 г.Валожына і група школьнікаў з г. Брагіна Гомельскай вобласці.

Для юных наведвальнікаў быў праведзены музейны ўрок: «Гісторыя ваенных плакатаў». Хлопцы даведаліся, што ў гады Вялікай Айчыннай вайны выразныя вобразы плакатаў і эмацыйныя лозунгі заклікалі народ да смеласці і стойкасці на фронце і напружанай працы ў тыле. Інфармацыя была прадстаўлена ў выглядзе мультымедыйнай прэзентацыі і экскурсіі па экспазіцыі «Ваенны плакат. Доўгае рэха вайны».

Да Міжнароднага дня абароны дзяцей у Пяршайскай сельскай бібліятэцы прайшоў конкурс малюнкаў «Дзяцінству сонца падарыце».

Бібліятэкар пазнаёміла дзяцей з гісторыяй свята, яго сімволікай, звярнула ўвагу на літаратуру, якая распавядае аб правах і абавязках дзяцей.

Напрыканцы мерапрыемства юныя чытачы бібліятэкі адправіліся ў займальнае падарожжа па кніжнай краіне..

Памятную дошку ў гонар народнага артыста Беларусі Міхаіла Фінберга ўстановяць на будынку амфітэатра Палаца культуры Маладзечна. Аб гэтым карэспандэнту БЕЛТА паведаміла намеснік начальніка аддзела ідэалагічнай работы, культуры і па справах моладзі Маладзечанскага райвыканкама Аксана Бурак.

Сістэма асабліва ахоўных прыродных тэрыторый Беларусі ўключае 1338 аб'ектаў. Аб гэтым сказала на прэс-канферэнцыі "Экалагічны турызм: развіццё патэнцыялу асабліва ахоўных прыродных тэрыторый" у прэс-цэнтры БЕЛТА намеснік начальніка ўпраўлення біялагічнай і ландшафтнай разнастайнасці галоўнага ўпраўлення рэгулявання абыходжання з адходамі, біялагічнай і ландшафтнай разнастайнасці Міністэрства прыродных рэсурсаў і аховы навакольнага асяроддзя Людміла Барташэвіч.

XXII Нацыянальны фестываль беларускай песні і паэзіі "Маладзечна-2023" пройдзе 9-10 чэрвеня, паведамілі ў час прэс-канферэнцыі "Папулярызацыя і захаванне нацыянальнага мастацтва, прыцягненне насельніцтва да лепшых крыніц культурнай спадчыны", перадае карэспандэнт БЕЛТА.

Ва ўсіх абласцях Беларусі ўведзены забароны на наведванне лясоў, паведамляе БЕЛТА са спасылкай на аператыўную інфармацыю Міністэрства лясной гаспадаркі.

Заяўленыя інвестыцыі рэзідэнтаў "Вялікага каменя" ацэньваюцца ў памеры больш як $1,3 млрд, заявіў кіраўнік адміністрацыі Кітайска-беларускага індустрыяльнага парка "Вялікі камень" Аляксандр Ярашэнка, адкрываючы беларуска-кітайскі форум "Інавацыйнае развіццё разумнай вытворчасці", перадае карэспандэнт БЕЛТА.

У Беларусі нарыхтавана амаль 9 працэнтаў сенажу, паведамілі БЕЛТА ў Міністэрстве сельскай гаспадаркі і харчавання.