Валожынскі раённы
выканаўчы камітэт

Ветераны Воложинского района совместно с Председателем совета ветеранов Тиганиной Т.Ф. приняли активное участие в праздновании Дня Независимости Республики Беларусь. У каждого из них связана своя история и свой жизненный путь с трудовыми достижениями нашей Родины. С трепетом в сердце и чувством благодарности ветераны труда возложили цветы к памятнику погибшим воинам.

МНС правяло авіяцыйны маніторынг водных аб'ектаў на поўдні Мінскай вобласці ў мэтах выяўлення несанкцыянаваных месцаў купання, парушэнняў правіл аховы жыцця людзей на водах.

На буйнейшай прамысловай выстаўцы Расіі "Інапрам" прадстаўлены 13 беларускіх прадпрыемстваў, паведамілі БЕЛТА ў прэс-службе "Белінтэрэкспа" БелГПП.

З самай раніцы ФАК напоўніўся дзіцячым смехам і вясёлым шумам, усе былі рады зноў сустрэцца пасля выхаднога дня ў спартыўна-аздараўленчым лагеры «Астравок здароўя» на базе ДУ «Дзіцяча-юнацкая спартыўная школа Валожынскага раёна», правесці разам зарадку, вучэбна-трэніровачныя заняткі, паспаборнічаць у гульні «Аэрахакей». Сёння хлопцы займаліся ў клубах па інтарэсах, гулялі ў рухомыя гульні, сумесна з трэнерамі ўдзельнічалі ў флэшмобе «Танчым разам», вучыліся рухам брэйка, усе ўдзельнікі атрымалі бурныя апладысменты, былі шчаслівыя і задаволеныя.

З 15 чэрвеня па 15 жніўня 2022 года АДАІ Валожынскага РАУС з іншымі службамі міліцыі грамадскай бяспекі РАУС праводзіць летнюю рэспубліканскую прафілактычную кампанію «Летам дзеці ў бяспецы!».

З мэтай недапушчэння ДТЗ з удзелам непаўналетніх, падчас летніх школьных канікулаў, з 15 чэрвеня па 15 жніўня 2022 года АДАІ Валожынскага РАУС з іншымі службамі міліцыі грамадскай бяспекі РАУС праводзіць летнюю рэспубліканскую прафілактычную кампанію «Летам дзеці ў бяспецы!».

У перыяд школьных канікулаў у большай ступені дзеці прадстаўлены самі сабе. Дарожна-транспартныя здарэнні з непаўналетнімі сведчаць аб недысцыплінаванасці і няўважлівасці саміх дзяцей, а таксама аб адсутнасці кантролю за імі з боку дарослых.

У рамках летняй рэспубліканскай прафілактычнай кампаніі «Летам дзеці ў бяспецы!», ДАІ ўзмоцніць кантроль па парушэннях кіроўцамі правілаў праезду пешаходных пераходаў, руху ў жылых зонах, перавозкі дзяцей, а таксама захаваннем ПДР непаўналетнімі пешаходамі і веласіпедыстамі.

Дарэчы, за 6 месяцаў 2022 года на тэрыторыі Валожынскага раёна зарэгістравана 1 ДТЗ з удзелам дзіцяці, у якім  дзіця атрымала траўмы.

Так, 16.06.2022 каля 15:15 гадзін непаўналетні вадзіцель, кіруючы мотаблокам з прычэпам, пры руху на спуск па в. Перажоры, у напрамку а.г. Ракаў, страціў кіраванне мотаблокам, выехаў на сустрэчную абочыну і перакуліўся. У выніку ДТЗ 6-гадовае дзіця, якое сядзела на каленях свайго бацькі ў прычэпе названага мотаблока, атрымала цялесныя пашкоджанні, з якімі было шпіталізавана ў бальніцу.

Паважаныя дарослыя!

Не пакідайце непаўналетніх без нагляду!

Перш чым адправіць дзіця на вуліцу, нагадайце яму асноўныя правілы бяспечных паводзін на вуліцы.

У абавязковым парадку перавозіце дзяцей толькі прышпіленымі рамянямі бяспекі, а для дзяцей малодшага ўзросту выкарыстоўвайце спецыяльныя ўтрымліваючыяя прылады.

Будзьце дзіцяці станоўчым прыкладам на дарозе!

АДАІ Валожынскага РАУС

З 08 чэрвеня па 31 жніўня 2022 года на тэрыторыі Валожынскага раёна праводзіцца абласная прафілактычная акцыя «Школа дарожнай бяспекі».

З мэтай прафілактыкі ДТЗ з удзелам непаўналетніх з 08 чэрвеня па 31 жніўня 2022 года Дзяржаўтаінспекцыя Валожынскага раёна праводзіць абласную прафілактычную акцыю «Школа дарожнай бяспекі».

У ходзе вышэйпаказанай акцыі супрацоўнікі АДАІ Валожынскага РАУС наведаюць прышкольныя і дзіцячыя аздараўленчыя лагеры, дзе падчас гутарак з дзецьмі нададуць асаблівую ўвагу правілам бяспечных паводзін на дарозе і ў транспарце, у дварах, а таксама правілам пераходу праезнай часткі па пешаходных пераходах (рэгулюемы, нерэгулюемы), недапушчальнасці выкарыстання пры гэтым мабільных тэлефонаў і іншых электронных прылад, выкананні правілаў веласіпедыстамі і выкарыстання непаўналетнімі сродкаў індывідуальнай мабільнасці (самакаты, скутары, монаколы і т. п.), а таксама нашэння святлоадбіўных элементаў у цёмны час сутак.

Паважаныя дарослыя, каб пазбегнуць няшчасных выпадкаў на дарозе, нагадваем аб сістэматычным паўтарэнні з дзіцем асноўных правілаў дарожнага руху і пастаянным кантролі за вольным часам дзяцей. Пры выкарыстанні асабістага аўтатранспарту настойліва раім прышпільвацца рамянямі бяспекі, у абавязковым парадку перавозіць дзяцей толькі прышпіленымі рамянямі бяспекі, а для дзяцей малодшага ўзросту выкарыстоўваць спецыяльныя ўтрымліваючыя прылады!

Патлумачце дзіцяці, што, знаходзячыся паблізу або на праезнай частцы, яно не павінна размаўляць па тэлефоне і слухаць музыку ў слухаўках, так як гэта адцягвае ўвагу! Пры пераходзе праезнай часткі па пешаходным пераходзе трэба моцна трымаць дзіця за руку. Неабходна на асабістым станоўчым прыкладзе прывучаць дзіця да асаблiвай увагi, дысцыпліне і няўхільнага выканання правілаў дарожнага руху. Бяспечных канікул!

АДАІ Валожынскага РАУС

Ва ўстановах дашкольнай адукацыі Валожынскага раёна арганізаваны тэматычныя мерапрыемствы да Дня Незалежнасці: заняткі, святы, марафоны, фотавыставы, флэшмобы, удзел у праграме святочных мерапрыемстваў, прысвечаных Дню Незалежнасці Рэспублікі Беларусь і святу горада Валожына «Гімн роднай зямлі».

3 ліпеня 2022 года ў г.п. Івянец прайшло свята да Дня Незалежнасці Рэспублікі Беларусь. Святочныя мерапрыемствы пачаліся ля помніка загінуўшым воінам у гады Вялікай Айчыннай вайны на плошчы Свабоды. Ушанаваць памяць загінуўшых і ўскласці вянкі да помніка прыйшлі прадстаўнікі Івянецкага пасвыканкама, устаноў і арганізацый пасёлка, вайскоўцы вайсковай часткі 01266 Кiевец. Прадоўжылася свята ўрачыстым мітынгам. Словы віншаванняў прагучалі ад старшыні Івянецкага пасвыканкама Т. Е. Ліпніцкай, старшыні Савета ветэранаў г. п. Івянец А. П. Нядвецкай і намесніка камандзіра роты аховы і абслугоўвання па ідэалагічнай рабоце вайсковай часткі 01266 Кiевец лейтэнанта М. А. Зюзькова. Музычныя падарункі для ўсіх прысутных дарылі артысты Івянецкага Дома культуры, Івянецкай дзіцячай школы мастацтваў, Івянецкага дзіцячага дома-інтэрната для дзяцей-інвалідаў і вайскоўцы вайсковай часткі 01266 Кiевец. На працягу свята працавалі дзіцячыя атракцыёны, гандлёвыя рады і фуд корт.